Torsdag 19. Juli 2018


Kvardagen, tidsklemma og kollektivtransport!

Grete Marit Veka Maraas i Fitjar senterparti har sendt oss eit lesarbrev om kollektivtransport på Fitjar.

Ja så var me i gong att. Sommarferien er over. Far og mor i jobb, og ungane er byrja på skulen att. Alt er tilbake til normalen. Det var slik me hadde det før sommarferien og. Me merkar det i heimen nokon kvar. Hausten er komen og alle fritidsaktivitetane er starta opp. Det er berre å finna fram kalenderen og byrja å organisera ettermiddagane og kveldane. Kven skal køyra på fotball og kor tid? Skal me køyra i saman med nokon og ta kvar vår gong, eller…? Så var det handball, musikkskulen, skulekorpset, ope hus, krik ovs. Det er mykje å finna på for den som vil vera aktiv. Kjekke og positive ting alt saman, og fint at borna og ungdommane har noko å ta seg til på fritida, det skal me vera glade for. Men det var den køyringa då….Få kabalen til å gå opp…, slik at far og mor får tid til å lesa avisa før sengetid, og at ” dei håpefulle” får sysla med aktivitetane sine. Det er her kollektivtilbodet kjem inn i bilete. Tenk om bussen frå Leirvik til Fitjar hadde gått om Øvrebygda på ettermiddagen. Sameleis kunne bussen frå Fitjar til Leirvik gått om Øvrebygda på kvelden. Dei fleste som tar desse bussane mellom Øvrebygda og Fitjar høyre til i Øvrebygda. Då vert det litt tungvindt med buss-stopp på Rydland. Det er langt frå Koløya til Rydland og frå Helland til Rydland. Kollektivtilbodet til, frå og i kommunen er viktig. Dette er noko Fitjar senterparti ynskjer å forbetra på sikt. Det er ikkje alle som er like heldig som undertegna, for stort sett kvar torsdag kl. 19.10 stoppar musikkbussen i tunet mitt. Då er det berre å koma seg innpå og finna seg eit sete. Når øvinga er slutt, så går musikkbussen heimatt og. Tenk om alle hadde hatt eit slikt tilbod.

Grete Marit Veka Maraas
2.kandidat Fitjar senterparti

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse