Torsdag 19. Juli 2018


I eit lesarbrev utfordrar ordførarkandidat for Fitjar KrF, Harald Rydland, Høgre og Frp til å gje svar på nokre spørsmål om eigedomsskatten.

Ved inngangen til denne kommunestyreperioden opplevde kommunenoreg eit historisk oppsving i økonomien.  Den første raudgrøne regjeringa lova å satsa stort på  kommunane, noko som gjorde at kommunane leverte rekordoverskot i 2006 og 2007.  Alt i 2008  stramma staten til, sjølv om kommunane hadde fått ansvar for store oppgåver og tunge reformprosessar.  Stortinget hadde lova veljarane at skattenivået frå 2004 skulle liggja fast, og sende utfordringa med å finna pengar over til kommunane.  Eit grep som Stortinget nytta seg av, var å endra lova om eigedomsskatt slik at det vart enklare for kommunane å innføra denne upopulære skatten.

Fitjar og svært mange andre kommunar fekk problem med å få endane til å møtast etter å ha havna i dette uføret.  Fleirtalet i Fitjar kommunestyre fann ikkje anna utveg enn å innføra eigedomsskatt.  Det same har kommunestyra i dei fleste av nabokommunane våre valgt å gjera.

Innføringa av eigedomsskatt har vore ei vanskeleg sak for kommunestyret denne perioden.  Trøysta får vera at me ved hjelp av desse inntektene har fått på plass fleire heilt nødvendige tiltak.  Me har teke i bruk 11 sårt tiltrengte sjukeheimsplassar og betalt ned alt av gamalt underskot slik at me kom oss ut av ROBEK.  På same tid har me halde oppe den gode kvaliteten i skulen.  Det kan og vera verd å nemna at me ikkje har stengt symjebassenget eller sløkt vegljosa i kommunen.

No skal det veljast nytt kommunestyre som skal ta ansvar for velferdstilbodet til Fitjarfolket dei neste fire åra.  Me kan gle oss over at partia som stiller til val i Fitjar stort sett er samde om kva som er dei viktigaste sakene å arbeida for i perioden.  Det ligg ikkje an til dei store konfliktane.

Me ser likevel at det går eitt skilje. Høgre og FrP har sett som eitt av sine høgaste mål at dei vil fjerna eigedomsskatten i løpet av perioden.  På same tid vil dei byggja ny skule og sikra ei eldreomsorg med god kvalitet.  Sjølv om me i KrF likar eigedomsskatten like dårleg som dei fleste andre, har me lært såpass denne perioden at me vil vera svært varsame med å lova veljarane noko me meiner det er urealistisk å oppnå. Kommunen må ikkje havna i økonomisk uføre att.

Det ser ikkje ut for at kommunane kan venta meir overføringar frå staten. Kor store inntekter Fitjar kommune kan få frå  vindkraft er framleis usikkert, og me må difor planlegga utfrå dei inntektene me har i dag.  Me har i det siste fått pålitelege stadfestingar på at Fitjar kommune driv effektivt og får mykje gode tenester ut av pengane.

Me i KrF vil gjerne utfordra  Høgre og FrP til å gje svar på følgande spørsmål:

Dersom det viser seg at det i perioden ikkje let seg gjera å både fjerna eigedomsskatten, byggja ny skule på Rimbareid, sikra god kvalitet i eldreomsorga og  ha ein tilfredstillande kommuneøkonomi; vil Høgre og FrP då likevel ha som høgste prioritet å fjerna eigdomsskatten?

Harald Rydland,

ordførarkandidat for Fitjar KrF

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse