Laurdag 21. Juli 2018


Master på vind

Fitjarjenta Marthe Laureen Helland avslutta i vår masterstudiet sitt på Ås med oppgåva ”Sumvirkninger på landskap ved planlegging av vindkraft – En utfordring for norsk landskapsplanlegging.”

Marthe Laureen Helland (26), som starta si landskapsarkitektutdanning med grunnkurs i teikning, form og farge ved Fitjar vidaregåande skule, er no ferdig utdanna Landskapsarkitekt, med arealplanlegging i samband med vindkraft som spesialisering. Ho har studert fem år ved Ås, Universitetet for miljø og biovitenskap, og har brukte det siste halve året til å skriva masteroppgåve om sumverknader på landskap i samband med planlegging av vindkraftverk. Oppgåva tar ikkje stilling til for eller imot vindkraft, om det er bra eller ikkje, men tek for seg gjennomføring av utredingar av sumverknader på landskapet i samband med planlegging av vindkraft. Sumverknader handlar om å sjå verknader frå fleire vindparkar i eit større landsskapsbilete. Marte sitt fokus var korleis den lovpålagde utredinga har vorte ivareteken og kvifor det er vanskeleg å få gjennomført slike utredingar. Kort sagt vart konklusjonen hennar at dette kravet ikkje vert ivareteke godt nok og at dette er fordi det mellom anna manglar kunnskap om, og metodikk for, utreding av sumverknadene. Krava om utreding finnes i lova men er lite ivareteke i praksis, fann Marthe ut, og meiner at det mellom anna det trengs ei politisk avklaring på korleis ein skal få gjennomført lovpålegget.

Temaet for oppgåva var vanskeleg og utfordrande, men Marthe føler ho fekk igjen for å våga seg ut på det vanskelege emnet. Ho fekk toppkarakter, og på trass av at oppgåva kan oppfattast som kritikk til NVE sitt arbeid har ho no fått sommarjobb hos nettopp NVE.

Vindparken på Fitjar tar ikkje Marthe stilling til, og den var heller ikkje utgangspunktet for at ho valde vindkraft som fordjuping, men ho har satt stor pris på bileta ho har fått frå parken av Inger Marie og Stein Erik Gilje. Desse bileta har ho brukt som illustrasjonar i oppgåva si, og dette fekk ho ekstra skryt for.

Universitetet kjem til å leggja heile oppgåva ut på nettet, og Marthe, som med denne oppgåva og er nomiert til statsbygg sin pris for framragande landskapsarkitektur, er spend på korleis hennar konklusjonar vert mottekne når dei vert allement tilgjengelege.

Marthe har blitt byjenta, men er glad i Fitjar og ferierer gjerne her. Eg traff ho då ho var ein snartur innom barndomsheimen i Engavikjo. Ho snakkar varmt om Fitjar og sommarøya Stord, men reknar med at ho blir verande i Oslo. Etter at sommarjobben er slutt håpar ho at ho kanskje får fortsetta å jobba hos NVE. Elles reknar ho med å få anna landskapsarkitekt-jobb i Oslo-området. Ho synes ho jobbar innan eit spennande felt og ser lyst på framtida.

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...
annonse
annonse

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...
annonse

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...
annonse