Sundag 15. Juli 2018


Soleklar siger

Etter å ha vunne Midtfjellet vindpark sin teiknekonkurranse planlegg 5.-7. klasse ved Øvrebygda skule å bruka premien til ein spennande bade- og gruvetur. 

Storskuletrinna på den fådelte skulen stakk av med ein soleklar siger i klassen for dei i 5.-7. klasse då Midtfjellet vindkraft inviterte til teiknekonkurranse med tema: Fornybar energi. Johannes Koløen og Marita Louise Helland frå Midtfjellet vindkraft satte ekstra stor pris på å dela ut prisen til ein klasse ved Øvrebygda skule, der dei begge sjølv har vore elevar. Johannes la heller ikkje skjul på at produktet storskule-elevane her hadde malt og teikna hadde imponert han stort og var ein soleklar vinnar. Deira bilete hadde utan tvil og vunne dersom alle konkurranseklassane var slått saman til ein.

Målet med konkurransen var at ungane og ungdomane skulle læra om fornybar energi på ein ny måte. At elevane i Øvrebygda har mykje kunnskap om temaet kjem tydeleg fram i biletet som ikkje berre er ufatteleg stilig, men og har fått med seg alt om dei ulike formene for fornybar energi, seier fungerande dagleg leiar i Midtfjellet vindkraft, Johannes Koløen.

Dei fleste skuleklassane i kommunen deltok i konkurransen. I juryen sat Inger Louise Helland og Britt Marie Olsen frå Midtfjellet vindkraft og Oddbjørg Lillenes og Therese Nysæther frå Fitjar kraftlag. Vinnar i småskuleklassen var 3b ved Rimbareid skule og vinnar i ungdomsskuleklassen var klasse 8b ved same skule. Desse klassane fekk premien sin i går og ein kan lesa om dei, og sjå bilete av dei, på Midtfjellet vindkraft si heimeside her. Premiar er ein klassetur. 3.-klassingane ynskjer å reise til Vil vite-senteret i Bergen og slik blir det. Ungdomsskule-elevane vil til Vannkanten badeland og kan sjå fram til ein kjekk, våt dag der. Elevane frå Øvrebygda skule, som ikkje vil reisa så langt, får med seg både bading i kulturhuset på Stord og omvising i gruvene på Litlabø og kanskje litt ekstra pengar til turen. Elevane syntes premien høyrdes kjempekjekk ut, og jubla både for etterlengta bading og tur med gruvetoget.

Midtfjellet vindkraft har eit sterkt ynskje om å få dekorera nokre av møllene med vinnarbileta, og det synes både lærarar og elevar at hadde vore kjempestilig. Det er ikkje heilt avklart endå om dette går i orden, men Johannes og Marita vil jobba vidare med å få til det. Johannes avslutta overrekkinga med å takka dei unge og flinke kunstnarane for at dei deltok i konkurransen og ønskte dei god tur. 

 

 

 

 

 

 

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse
annonse

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...
annonse

Framande plantar invaderer Fitjar!

14.07.2018 Kjetil Rydland

Parkslirekne er ein av dei verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange...

Les meir ...
annonse