Laurdag 21. Juli 2018


Gloria!!!

Taket i gymnastikksalen letta nesten då elevar frå 7. og 1. klasse song Gloria under framføringa av julespelet Ei glede for heile folket, tysdag kveld.

For trettande gong øvde 7. klasse ved Rimbareid skule inn syngjespelet Ei glede for heile folket av Alf Georg Østebrøt. "The best ever", sa forelder John Karsten Raunholm i sin takketale til elevane og lærarane etter den opne framsyninga som samla fullt hus i gymnastikksalen.

Det var gjort fleire forandringar og utvidingar på spelet i år i forhold til tidlegare år. Dette har nok kravd ekstra av både lærarar og elevar, men var til stor glede for publikum. Mellom anna var orkesteret utvida frå blåseinstrument og stavspel til og å ha med trommer, el-gitar og bassgitar. Englane hadde fått eigne høge scenar (stilas) å boltra seg på, Gabriel song ikkje berre men spelte og gitar på sengekanten til Maria, Baltasar sin morgongymnastikk var utvida til og å få med seg publikum, det var engledans og levande sauer, og på avlsuttingssongen dukka alle 1.-klassingane på Rimbareid skule opp med lykter med levande lys og ei iherdig songkraft og songglede.

Så godt som alt sat som det skulle. Elevane var svært dyktige og kunne sine roller, replikkar og songar godt, og alle deltok på eit eller anna vis. Mange skodespelartalent var i sving på scenen og me merka oss særleg ein svært dyktig Josef i Sander Thomassen sin skikkelse og Rolf Solli som Baltasar. Forteljarane merkte seg og ut som svært tydelege med klåre, sterke røyster. Koreografien var god og sceneskitfa flaut naturleg. Alle som var på scenen strålte og det var flott og rørande å få med seg denne framsyninga, og for oss som ikkje var så inhabile som han som sa "The best ever".

Både skodespelarar, songarar, musikarar, teknikarar og lærarar fekk velfortente roser etter den 35 minutt lange framsyninga. Før elevane tok av seg kostyma for å ha premierefest, takka Evy Skogedal, på vegner av lærarteamet på sjuande trinnet, elevane for at dei hadde vore så flinke og at dei hadde vore så positive under øvingane.

Roller/oppgåver:
Maria: Silje Thorland
Josef: Sander Thomassen
Vismenn: Rolf Solli (Baltasar), Solveig Drønen (Kaspar) og Thea Vestbøstad (Melkior)
Engelen Gabriel: Susanne Gjøen Vestbøstad
Dansande engel : Andrea Hollund
Englar: Emma Aleksandersen, Eline Havnerås, Benedikte Nesbø, Anna Thorland og Henriette Vågen Reigstad
Utropar: Ingrid Tveita
Forteljarar: Frøydis Malkenes og Magnus Raunholm
Kamel: Ruben Træet og Malin Jensen Westvik
Gjetarar: Victoria Bergesen, Andreas Nesse Gloppen, Joakim Isdahl Helland, Lea Hobæk Hovland, June Gloppen Rimmereid, Luka Vucenovic, Emilie Haukeland, Martin Pedersen, Mats Huseth Rasmussen og Caroline Skaar
Lam: Hedda Kjerland Kongestøl og Jan-Audun Tharaldsen
Huseigarar: Kathrine Haugvaldstad og Tone Sandtorv Brakedal
Musikarar: Ken Sigve Hugøy Berntsen (elgitar), Torstein Træet (klokkespel/lys), Nicolai Tufteland (xylofon), Oda Rydland (kornett/blokkfløyte) Nils Birger Vestbøstad (bassgitar), Andreas Vik (slagverk) og Vegard Aarbø (baryton/blokkfløyte).
Lydmann: Tor André Spissøy
Biletvising: Olai Tronshaug Bergsvik

Ein av songane i syngespelet vart framførd under skulegudstenesta i føremiddag, og i morgon skal heile spelet framførast for alle elevane på barneskulen på Rimbareid som ein del av den siste skuledagen deira før jul.

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...
annonse
annonse

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...
annonse

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...
annonse