Tirsdag 23. Januar 2018


Ei glede for heile folket

Flotte skodespelar-prestasjonar og songprestasjonar gjorde framføringa av syngespelet "En glede for hele folket" til ei stor oppleving for foreldre, søsken og andre frammøtte i gymsalen på Rimbareid skule i kveld.

Det er 7. klasse ved Rimbareid skule som har øvd inn jule-syngespelet som er skrive av komponist og lærar Alf Georg Østebrøt frå Egersund. Dette er den 11. gongen at dette julespelet vert sett opp av elevar ved skulen på Fitjar.

Alle dei 24 elevane i 7. klasse deltok i spelet, anten som skodespelarar, koristar eller lydmedarbeidar. Klassen har øvd på spelet i mange veker, og synte ei perfekt framsyning for bygdefolket denne ettermiddagen.

Hovudrolleinnehaverane Judith Emelie Hageberg som Maria og Mathias Skålevik Koløen som Josef kom svært godt frå det. Då engelen Sjur Rydland kom på besøk til Maria og Josef og song stødig med si klokkeklare røyst var det reint som me fekk frysningar på ryggen, så flott var det. Publikum sat stort sett andektig og såg og lytta, men måtte le høgt over høggravide Maria sin kommentar om at det er typisk av keisaren å telja oss akkurat no. Gjetarane Joakim Hellen Strand, Linn Kathrin Gloppen, Aslaug Karine F. Ottestad, Susanne T. Aarbø, Tonje Gerhardsen og Mari Camilla S. Kloster dansa for å halda varmen om natta. To av gjetarane: Aslaug og Mari Camilla song flotte soloparti i songen om at dei passar på sauene sine. Den fødde skodespelaren Adrian Mehammer fekk og fram latteren hos publikum med sin morgongymnastikk, og alle dei tre vismennene, både Adrian og Ingvild Prestbø og Monica Helland imponerte med svært flott song. Dei fekk og spontan applaus midt i syngespelet for si framføring av songen "Tre vise menn." Eit av dei meir morsomme innslaga i spelet var kamelen som kom til Betlehem saman med vismennene. Både utropar Sverre F. Brekke og Vertshuseigar Jone Træet viste og at dei meistra rollene sine godt.

Dei som haldt tråden i det heile var forteljar Jonas Heggøy og det flotte julespelkoret. Alt vart perfekt framførd under stødig leiing av lærarane Reidun Heradstveit, Ann Sofie Drønen og Anne Helene Vestbøstad. Lyden vart styrt av Nils Ingmar Dalen og Jarle Traa, og her og gjekk alt heilt knirkfritt.

"Takk for at de har øvd inn dette flotte stykket!", sa nokre i publikum på veg ut, etter at skodespelarar, songarar, lyd-mann og lærarar hadde fått velfortent applaus og blomar.


Meiner ølbryggeriet på Fitjar bryt forbo…

22.01.2018 Jonas Sætre

Meiner ølbryggeriet på Fitjar bryt forbodet mot alkoholreklame Fitjar kommune meiner ølbryggeriet En Liten Øl publiserer ulovleg alkoholreklame på Facebook.

Les meir ...

Marius Pedersen vann Norna-lekene på kna…

22.01.2018 Kjetil Rydland

Marius Pedersen, friidrettsgut i rivande utvikling, vann Norna-lekene suverent. Foto: FP-arkiv/Kjetil Rydland. Marius Pedersen vann Norna-lekene på knalltid! Under Norna-lekene i Åsane i helga vann Marius Pedersen både lengde og 60 meter...

Les meir ...

Ailin årets bilcrossutøvar i NMK Vikedal

22.01.2018 Kjetil Rydland

Ailin Vik med premien for årets bilcrossutøvar i NMK Vikedal 2017. Foto: Ole Vidar Helland, Fitjar Racing Team.  Ailin årets bilcrossutøvar i NMK Vikedal Under årsmøtet til NMK Vikedal i helga blei...

Les meir ...
annonse

Full fest med Vassendgutane

21.01.2018 Kjetil Rydland

Vokalist og bassgitarist Sindre Aam var i storform på Fitjar i går kveld. Foto: Kjetil Rydland.  Full fest med Vassendgutane Vassendgutane var i storform i går kveld og trekte heile 750 festglade...

Les meir ...

Temakveld med Bente Bratlund

21.01.2018 Kjetil Rydland

Bente Bratlund kjem til Fitjar.  Temakveld med Bente Bratlund Førstkomande torsdag er det temakveld i kyrkja igjen, og denne gongen kan Eli Simonsen ønskja velkomen til eit møte med forfattaren Bente Bratlund frå...

Les meir ...

Fine skiløyper, varme pølser og god stem…

20.01.2018 Kjetil Rydland

Klara Olsen Aadland på åtte år i fin stil saman med mor si, Helga, på veg oppover mot Svartavatnet. Foto: Kjetil Rydland.  Fine skiløyper, varme pølser og god stemning Fitjarfjellet lokka med...

Les meir ...
annonse

VM-bronse til Onar

22.01.2018 Kjetil Rydland

Brørne Harald og Onar Westerheim på skeisebanen i Baselga. Foto: Privat.  VM-bronse til Onar Westerheim-brørne Onar og Harald Westerheim gjorde ein sterk innsats under skeise-VM for veteranar i Italia, og Onar sikra...

Les meir ...