Torsdag 19. Juli 2018


Kjekkaste dagen

"Ditta e den kjekkaste dagen i livet mitt", sa ein av 4. klassingane under fiskedagen dei hadde ein fredag midt i september.

Eit av tema i 4. klasse i naturfag er livet i havet, og i samband med det inviterte foreldrekontaktane i 4 b elevar, foreldre og lærar til ein fiskedag. Etter endt skuledag samlast klassen ved naustet til Sølvi Ann H. og Ove Nesbø på Kalveid. Nokre hadde satt ut garn, ruser og teiner kvelden før, og mange stilte med båt og fiskeutstyr. Ungane og dei vaksne var fordelt i båtane og fekk ein flott fisketur i strålande kveldssol. Fangsten var ikkje så stor, men ingen klaga på det. Nokre forklarde at ein kval hadde stokke av med snøre deira, andre kom med ein fugl som hadde sete fast i garnet. Men nokon hadde både fisk og krabbe i stampen då dei kom attende til naustet.

Ein gjeng mødre og fedre kokte både fiskesuppe og krabbe på kaien. Dei aller fleste smakte på begge deler, og dei som er glad i sjømat vart gode og mette.

Vel så kjekt som å trekkja garn, dra opp ruser og å fiska frå båt var det å fiska frå bryggjekanten ved naustet.

Ein del prøvde seg på sløying, og underleg nok trongs det verken plaster eller sying etter arbeidet. Ein guteflokk haldt på med det nesten heile kvelden, og det mest spennande var nok å sløya ei flyndra. Det vart nok ikkje alltid så mykje fisk att då dei var ferdig med sløyinga, filetane vart helst små, men det vart litt fiskekjøt suppa. 

Ungane ville helst ikkje heim, og då me gjekk høyrde nok ein gong ei som ropa: "Eg elske krabbe og eg elske fiskesuppa!"

Fisking frå bryggjekanten. Foto. Hilde Bukkholm Stegane
Fisking frå bryggjekanten. Foto. Hilde Bukkholm Stegane

 

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse