Fredag 22. Juni 2018


Kvifor stigmatisere lærarstanden?

-Kvifor gløymer ein dei mange manglande stillingane i skulen, og heller snakkar om at undervisninga og lærarane må bli betre?  

Det er leiar for Utdanningsforbundet i Fitjar, Morten Thunestvedt, som stiller dette spørsmålet i eit lesarinnlegg til Fitjarposten.no.

 

-Ingen er usamde i at skulen treng gode lærarar. Men kva seier politikarane eigentleg når dei i alle debattar krev betre lærarar i skulen? Kva seier dei om dei lærarane som er i norsk skule i dag?

 

For meg er den underliggjande meininga heilt klar: Det er lærarane som er skuld i ”problema” i den norske skulen. Underforstått: Lærarane i skulen gjør ein for dårleg jobb - dei kan ikkje faget sitt. Eg kjenner meg ikkje att i den beskrivinga av norske lærarar.

 

Etter meir enn 20 år i skulen sit eg att med det inntrykket at lærarane er ei yrkesgruppe med stor fagkunnskap, høg arbeidsmoral og stor integritet. For meg er det uforståeleg at våre folkevalde har så liten respekt for ei yrkesgruppe som dei faktisk er sett til å styra, at dei i einkvar debatt kan stempla dei som for dårlege. Ja, det er slik eg tolkar det, skriv Thunestvedt og fortset:

 

-Eg høyrer ikkje at politikarane seier at problema i eldreomsorga, eller innan helse, kan løysast med at me må få betre sjukepleiarar, betre heimehjelparar eller betre legar. Det skulle nett berre mangla! Dei som arbeider hardt innan desse yrka gjer ein flott jobb. Men kvifor er det så lett å stigmatisera lærarstanden? , spør han.


Urovekkjande 

Thunestvedt meiner vidare at det er urovekkande at våre folkevalde heng ut ei heil yrkesgruppe og gjev dei ansvaret for at norsk skule ikkje har nådd opp til det nivået dei krev. Ved å undergrava respekten for lærarane, og den jobben dei skal gjera for samfunnet, oppnår ukloke politikarar det stikk motsette av det dei seier dei ynskjer.

 

Utfordringa hans til politikarane er at dei heller nyttar tid og krefter på å gi skulen tilhøve som set lærarane i stand til å utføra jobben sin, og ikkje einsidig stigmatiser ei heil yrkesgruppe som udugelege.

 

-Kanskje er løysinga på utfordringane innan helse, eldreomsorg og skule at vi treng færre politikarar og betre politikarar. Tygg litt på den! Men kva veit eg, eg er jo berre ein lærar?, seier han til slutt.

 

----

 

Heile innlegget til Thunestvedt kan du lese ved å klikke på lesarbrev under lesarane sine sider.

 

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...

Betelskipet tilbake til Fitjar

21.06.2018 Håkon C

Betelskipet tilbake til Fitjar   Betelskipet «Elieser 6» kjem tilbake til Fitjar på fredag, legg til ved Meierikaien og har kveldsmøte om bord.

Les meir ...

Fitjar har det dyraste byggesaksgebyret …

20.06.2018 Jonas Sætre

Fitjar har det dyraste byggesaksgebyret i Hordaland Medan Granvin kommune tek 4610 kroner i byggesaksgebyr, tek Fitjar komune heile 28.000 kroner for å gjere den same jobben.

Les meir ...
annonse
annonse

Samisk dag på Selevik skule

20.06.2018 Kjetil Rydland

Elevane har sett opp lavvoane, og Colin Alexander Peitisch viser at han har godt tak på lassoen. Foto: Kjetil Rydland.  Samisk dag på Selevik skule Friluftsrådet Vest skipa til "Samisk dag" for...

Les meir ...

Fitjar Mekaniske skriv kontrakt om nødsl…

20.06.2018 Kjetil Rydland

Eigenutvikla nødslaktefartøy skal byggjast ved Fitjar Mekaniske Verksted.  Fitjar Mekaniske skriv kontrakt om nødslaktefartøy Fitjar Mekaniske Verksted skreiv i går kontrakt med Austevoll-selskapet Servicebåt As om bygging av eit nødslaktefartøy med eigenutvikla...

Les meir ...

Variert haust med Temakveldgruppa i Fitj…

19.06.2018 Kjetil Rydland

Alverflaten Jazzband med konsert i Fitjar kyrkje under Fitjarfestivalen 9. august.  Variert haust med Temakveldgruppa i Fitjar kyrkje Haustprogrammet for temakveldene i Fitjar kyrkje er klart, skriv Eli Simonsen, som kan lova ein...

Les meir ...
annonse

A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...
annonse