Laurdag 21. Juli 2018


Ny mjølkeprodusent i Fitjar!

I dag er det vanleg at bønder sluttar med mjølkeproduksjon. Derfor er Bård Inge Sørfonn - og kona Elin - å rekna som kjerringa mot straumen. For dei har nett starta opp med mjølkeproduksjon på Vestbøstad, noko kollegaene i Fitjar Bondelag veit å setja pris på.

Bøndene ønskjer den nye mjølkeprodusenten velkomen, og dette blei markert av styret i Fitar Bondelag laurdag føremiddag. Lars Ove Rimmereid hadde med seg ein kalv på 2-3 månader, som gåve frå Fitjar Bondelag til dei nye kubøndene. Leiaren i Fitjar Bondelag, Reidar Kloster, heldt ein kort tale, for å ønskja Elin og Bård Inge Sørfonn velkomne i gjengen.

Dei begynte for nokre månader som flunkande nye mjølkebønder i fjøset til Jostein Sandvik på Vestbøstad. Der har dei pakta jorda og fjøset hans - og ein mjølkekvote på 42 000 liter i året. I tillegg paktar dei litt meir jord i nabolaget på Vestbøstad og litt i Skålavikjo. For å utnytta mjølkekvoten må dei ha 7-8 kyr i produksjon. Det er om lag det som er plass til i fjøset, som er både velstelt og lettstelt. Her skal alt vera etter dagens forskrifter, også med eigen inngang for gjester, og eiga smittesluse. Dvs. at du må gjennom to rom og ta på deg støvlar og klede før du får lov å gå inn til dyra i fjøset.

I tillegg til kyrne, driv Bård Inge og kona med villsauer i Fodno, der dei har overteke slektsgarden til Bård Inge. Dei har svidd over 1000 mål beite på eigedommen sin og på naboeigedommen, som dei paktar. Det gjorde underverk for beitet, ikkje minst ved at dei blei kvitt mengdevis med handtikka (flått). Dei satsar på å ha rundt 25 vinterfora villsauer i Fodno. I snitt får dei eitt lam per villsau, og i år har dei levert 25 lam til slakt.

Mjølkeproduksjonen utgjer saman med dei 25 sauene rundt eitt årsverk, fortel eit entusiastisk ektepar i kor. Det er tydeleg at dei lever og åndar for prosjektet sitt, og det er derfor godt å sjå at dei andre bøndene har teke vel imot dei.

Etter markeringa på Vestbøstad drog heile styret i bondelaget til Håkon Hovstad for å gi han ei gåve i høve det nye hønsehuset. Reidar Kloster i Fitjar Bondelag fortel elles at dei planlegg møte 16. oktober for å diskutera potetproduksjon i Fitjar. Forsøksringen og representantar for Fylkesmannen i Hordaland blir med for å lufta om det er interesse for å starta med potetproduksjon igjen. Ei tradisjonsrik næring som nesten har gått heilt ut i Fitjar.

 

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse