Laurdag 21. April 2018


Førebur musikalkonsert

Fitjar skulekorps og dansarar frå kulturskulen førebur seg i desse dagar til storstilt musikal-konsert i Fitjar kultur- og idrettsbygg, og trur det vil bli ei flott oppleving for både dei sjølv og for publikum.

Tema for konserten er Musikalar, og publikum vil få høyra mange kjende songar frå pupulære og kjende musikalar, som Cats, Annie, Sound of Music, We will rock you, Les Misèrables og Mamma Mia med fleire. 

Ein legg opp til eit storstilt opplegg der ein vil få oppleva meir enn berre flott korpsmusikk. 29 dansarar frå kulturskulen skal vera med, blant anna som dansande kattar. Det vert song ved Ingvild Prestbø, Silje Rydland, Edith Helland, Thea Træet og Ole Rimmereid Rørvik, og pianospel ved Guro Rimmereid. Pianist og songsolistar er alle henta frå korpset sine eigne rekkjer. Til å binda konserten saman har korpset fått tak i Ole Andrè Westerheim og Sissel Jørgensen.

Men viktigast av alt er dei 40 musikantane i Fitjar skulekorps. Det er dei som skal bæra konserten og det eg fekk høyar av dei under øvinga måndag denne veka lovar godt. Dei er alle dyktige musikantar på kvar sin plass, det lyser lang veg at dei kosar seg på scenen og dei spelar verkeleg musikk som det svingar av og som ein blir glad av. Dei 8 aspirantane, som tidlegar har vore solistar saman med korpset, skal denne gongen spela både åleine og dei skal for første gong ha plass blandt musikantane i hovudkorpset og spela saman med dei på eit par nummer. 

Musikantane Oda, Vegard, Silje og Jacob meiner dette kjem til å bli ein veldig kjekk konsert som passar for alle i heile bygda. Ja, det blir mange kjende og kjekke songar og høgdepunkta kjem til å stå i kø, meiner dei unge musikarane. Programmet er langt og rikhalding og det er derfor lagt inn ein pause med enkel bevertning mellom første og andre avdeling.

Enno gjennstår det ein del øving, før alt set heilt som spikra. Men kjenner eg korpset rett, og ut frå det eg høyrde tidleg i veka, så er eg ikkje i tvil om dei er i rute og at alt kjem til å sitta som det skal når dei inntek scenen i kultursalen søndag ettermiddag. Både dirigent Svein Roger Koppang, musikantane og dansarane håpar på fullsett sal. Dei meiner dei er flinke og fortener eit stort publikum, og det har dei sanneleg rett i.

Billettar kan ein anten kjøpe på førehand hos Larsen Multihandel, eller i døra like før konserten. 
Annonse for konserten finn ein til høgre her på fitjarposten.no .

 

 

 

/p

Første vigsla for ordføraren

20.04.2018 Kjetil Rydland

Ordførar Wenche Tislevoll med brurparet Malene Løklingholm Leivestad og Morten Bauge Torland. Foto: Kjetil Rydland.   Første vigsla for ordføraren Fredag fekk ordførar Wenche Tislevoll sin elddåp då ho vigde Morten Bauge Torland (31)...

Les meir ...

Ber barna i beretøy og gjer dei trygge!

19.04.2018 Kjetil Rydland

  Gabriel Nedal Kvamen ser ut til å finna seg til rette på ryggen til mor, Solrun Irene Kvamen. Foto: Kjetil Rydland.   Ber barna i beretøy og gjer dei trygge!  I dag møttest...

Les meir ...

Carfix med utleigebil til kundane

19.04.2018 Kjetil Rydland

Så fin er den nye Renault Zoe elbilen til Carfix. Foto: Kjetil Rydland.  Carfix med utleigebil til kundane Carfix på Fitjar kan skilta med ein splitter ny elbil som kundane kan låna...

Les meir ...
annonse

Fjord1 med ny nettside

19.04.2018 Kjetil Rydland

MF "Vågsøy" går i sambandet Sandvikvåg-Husavik. Foto: FP-arkiv/KR.  Fjord1 med ny nettside Ferjeselskapet Fjord1 lanserer ny nettside med eit heilt nytt visuelt inntrykk. 

Les meir ...

Slik blir årets utgåve av Fitjarfestival…

19.04.2018 Harald Johan Sandvik

Slik blir årets utgåve av Fitjarfestivalen Styreleiar Inger Elin Helland orienterte formannskapet i Fitjar om den niande utgåva av Fitjarfestivalen.

Les meir ...

Den nye rådmannen i Fitjar er på plass

18.04.2018 Harald Johan Sandvik

Den nye rådmannen i Fitjar er på plass Olaug Haugen er ny rådmann i Fitjar. Foto: Harald Johan Sandvik Påtroppande rådmann Olaug Haugen var med på sitt første politiske møte i Fitjar...

Les meir ...
annonse

Bremnesingane blei altfor sterke for A-l…

21.04.2018 Kjetil Rydland

Fitjar nede for teljing med null poeng etter tre kampar. Foto: Kjetil Rydland. Bremnesingane blei altfor sterke for A-laget Trass ei tidleg leiing ved Daniel Skarpnes viste Fitjar-gutane seg altfor veike og...

Les meir ...
annonse