Laurdag 21. Juli 2018


På med leiartrøya

80 foreldre og andre interesserte fekk med seg Liv Berit H. Tønnesen sitt spennande foreldreføredrag måndag kveld og vart inspirerte til å gå heim å ta på seg leiartrøya i familien.

Pedagogen frå Stavanger fekk på ein levande måte inspirert dei frammøtte til å forstå kva det vil sei at å ta på den gode leiartrøya, skilnaden på sjølvtillit og sjølvkjensle og kva som skjer og kva fylgjene vert av dei ulike oppdragarretningane. 

Det var Bakken barnehage, Fitjar søndagsskule og Fitjar sokneråd med trusopplæringsutvalet og babysong og småbarnstreff som inviterte til den opne foreldrekvelden i Fitjar kyrkje, som hadde fått namnet:  På med leiartrøya i familien. Karine Lillenes berika kvelden med to flotte songar, akkompagnert av Elin Sørfonn. 

Som føredragshaldar Liv Berit H. Tønnesen sjølv sa så er ho rett på sak, og ting vart presentert svart-kvitt og nesten karikert, for å få fram poenga i forskjellen på autoritær oppdraging og omsorgsbasert oppdraging og skilnaden på sjølvtillit og sjølvkjensle. Ho synte til kor viktig det er å finna den "gylne middelveg" innan oppdraging og leiing, som tar med seg det nødvendige frå begge sidene. Hovudpoenga hennar var basert på tankane til den danske familieterapeute Jesper Juul og den norske familieterapeuten David Kvebæk, spedd med eiga livs- og yrkeserfaring og levandegjort med personleg utdjuping og gjenkjennelege konkretiseringar.  Krydra med sjølvopplevde hendingar vart poenga gjenkjennelege og lett forståelege.

I ein og ein halv time sat dei frammøtte lydhøyre og fengsla av den pedagogiske flanellograf-presentasjonen til Liv Berit. Då dei etterpå vart utfordra til å summa saman om kva som kan verta fruktene av sterk sjølvtillit og av sterk sjølvkjensle, gjekk praten høgt og livleg i benkradene i kyrkja og føredragshaldaren hadde ingen problem med å få hjelp til å fylla ut fruktene på tavla og slik gjera presentasjonen unik og lokal.

Den klåre bodskapen om at foreldra må på med leiartrøya i familien som både myndige og omsorgsfulle vaksne med ansvar for seg sjølv og samspelet med ungane og at det vil skapa trygge og gode barn som er godt utrusta for dei utfordringane dei vil møta i livet vart diskutert vidare av motiverte foreldre på veg ut i den kjølege vinterlufta, og det høyrdest ut som dette truleg vil koma mange ungar på Fitjar til gode.

 

 

 

 

 

 

 

 

 

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse