Sundag 15. Juli 2018


Årsfest med revedans

Det var både revedans, utdeling av heidersmerke, flott korpsmusikk og mykje god mat under Fitjar skulekorps sin årsfest søndag ettermiddag.

Det var pynta til fest i gymnastikksalen på Øvrebygda skule og langborda var dekka til 115 stykke. Musikantane gledde foreldre og søsken med mykje flott korpsmusikk og spirantane hadde tradisjon tru sin konsertdebut på årsfesten. I år tel aspirantgruppa sju stykke og dei imponerte med gode, klare, reine tonar og flott samspel.

Revedansen var det ei dansegruppe frå Fitjar kulturskule som stod for. Musikken kom frå Fitjar skulekorps som framførde Erlend Bratlie sin brass-versjon av Ylvis-låta The Fox. Eit populært, kjekt og sprekt opningsnummer.

Kvart år får musikantane ei ny sølvstjerne til å sy på uniforma, for det siste året dei har vore med i korpset. I år vart det delt ut 34 stjerner. Vidare vart det og delt ut fem- og sjuårsmedaljar til dei som har vore med i Fitjar skulekorps så lenge. Nytt av året var at det og vart delt ut ei påskjønning til dei som har vore med i korpset fram til dei fylte 19 år. Desse musikantane har vore ein stor ressurs og har vore svært viktig for korpset, som gode musikalske førebilete og for det sosiale miljøet. Dei vart heidra med kvar sin g-nøkkel i sølv. Dei tre som fekk denne utmerkinga i år var Ragnhild Prestbø, Anne Lunde og Audun Arthur Mehammer.

For alle første gong vart det og delt ut heidersprisar i form av ei Fitjar skulekorps-nål. Ole Christian Ottestad, som i sommar avslutta sitt mangeårige verv som styreleiar i korpset, fekk nåla for lang og tru teneste. Den same utmerkinga var og tildelt Svein og Gerd Marit Lunde, men dei var hindra frå å vera med på årsfesten og ta imot utmerkinga der. Desse tre har vore ryggrada i skulekorpset gjennom ein heil generasjon, både i nedgangstider og oppgangstider, i motvind og medvind. Det var ei stor glede for nyvalt styreleiar Tom Rydland og få gjera stas på dei trufaste eldsjelene.

Dirigent Svein Roger Koppang fekk og tildelt korpsnåla. Om han ikkje kan skilta med like lang og tru teneste som dei andre heidersmerke-mottakarane har han vore trufast og målretta dirigent for korpset dei siste seks åra. Han er ein god korps- og Fitjar skulekorps-ambassadør og styret meinte det var på sin plass å gje han og ei utmerking.

Festlyden vart servert betasuppe og eit svært flott kakebord. Det var og rom for litt allsong og biletkavalkade frå korpsåret 2012/2013, som var eit svært godt og innhaldsrikt år, både musikalsk og sosialt.

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse
annonse

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...
annonse

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...
annonse