Tirsdag 23. Januar 2018


Innbyggjarfest med internasjonalt preg

Eit stort, rikhaldig og internasjonalt kakebord og nokre flotte jenter pynta i fine indiske drakter var med på å skapa fleirkulturell feststemning i kultursalen i ettermiddag. 

Med det forlokkande kakebordet, litervis med kaffi og ein fullsett kultursal låg alt godt til rettes for å skapa eit inkluderande miljø for både innbarka fitjarbuarar og tilflyttarar. Og dei omkring to hundre frammøtte var ei god blanding av folk som har budd her heile livet og folk som har kome flyttande hit frå andre kantar av landet eller verda.

Ordførar Wenche Tislevoll opna festen med ein svært flott og informativ presentasjon av bygda vår gjennom ord og bilete. 

I foajeen var fleire ulike lag og organisasjonar på plass for å presentera sitt tilbod. Skulekorpset, musikklaget, idrettslaget/treningssenteret, kajakk-klubben, kyrkja, søndagsskulen, 4H, Fitjarposten, Sunnhordland, Bygdekvinnelaget, Fitjar racing team og Fitjar husflidslag hadde alle kvar sin stand som folk kunne besøkja i pausen.

Etter pausen var det kaffi, servert på norsk vis, og kaker frå ti ulike land, før festen vart avslutta med forskjellige kulturelle innslag som synte at Fitjar er ei fleirkulturell bygd. Silje Rydland frå Fitjar kulturskule song og spelte piano, Lene Tolka frå Latvia fortalde og synte bilete og film frå heimlandet sitt, i flotte filippinske festantrekk framførde Armelyn og Alice Rose Mehammer song og dans frå Filippinane, dei indisk-kledde jentene dansa og familien Gudmundsson frå Island framførde ein fin islandsk song.

Festen vart avrunda med at dei som har flytta til Fitjar i løpet av 2013, og som var på festen, fekk kvar si velkomsthelsing i form av eit nett med to kinobillettar, jubileumsboka til Fitjar kommune, fitjarsåpe, lys, refleksvest og prøveabonement på Sunnhordland og Fitjar treningssenter. 

-Me ynskjer fleire folk til Fitjar og me ynskjer at de som har kome hit blir verande, var ordførar Wenche Tislevoll si avsluttande helsing til dei nye innbyggjarane. 

Innbyggjarfesten var ein del av den internasjonale helga som gjekk føre seg på Fitjar 1.-3. november. Dette var den andre gongen at det har vorte arrangert ei slik helg på Fitjar, og det var Fitjar frivilligsentral, Fitjar sokneråd, Krik Fitjar, Fitjar kommune/kulturkontoret  og Spar Fitjar som stod bak arrangementa.

 

 

 

 

 

 

Meiner ølbryggeriet på Fitjar bryt forbo…

22.01.2018 Jonas Sætre

Meiner ølbryggeriet på Fitjar bryt forbodet mot alkoholreklame Fitjar kommune meiner ølbryggeriet En Liten Øl publiserer ulovleg alkoholreklame på Facebook.

Les meir ...

Marius Pedersen vann Norna-lekene på kna…

22.01.2018 Kjetil Rydland

Marius Pedersen, friidrettsgut i rivande utvikling, vann Norna-lekene suverent. Foto: FP-arkiv/Kjetil Rydland. Marius Pedersen vann Norna-lekene på knalltid! Under Norna-lekene i Åsane i helga vann Marius Pedersen både lengde og 60 meter...

Les meir ...

Ailin årets bilcrossutøvar i NMK Vikedal

22.01.2018 Kjetil Rydland

Ailin Vik med premien for årets bilcrossutøvar i NMK Vikedal 2017. Foto: Ole Vidar Helland, Fitjar Racing Team.  Ailin årets bilcrossutøvar i NMK Vikedal Under årsmøtet til NMK Vikedal i helga blei...

Les meir ...
annonse

Full fest med Vassendgutane

21.01.2018 Kjetil Rydland

Vokalist og bassgitarist Sindre Aam var i storform på Fitjar i går kveld. Foto: Kjetil Rydland.  Full fest med Vassendgutane Vassendgutane var i storform i går kveld og trekte heile 750 festglade...

Les meir ...

Temakveld med Bente Bratlund

21.01.2018 Kjetil Rydland

Bente Bratlund kjem til Fitjar.  Temakveld med Bente Bratlund Førstkomande torsdag er det temakveld i kyrkja igjen, og denne gongen kan Eli Simonsen ønskja velkomen til eit møte med forfattaren Bente Bratlund frå...

Les meir ...

Fine skiløyper, varme pølser og god stem…

20.01.2018 Kjetil Rydland

Klara Olsen Aadland på åtte år i fin stil saman med mor si, Helga, på veg oppover mot Svartavatnet. Foto: Kjetil Rydland.  Fine skiløyper, varme pølser og god stemning Fitjarfjellet lokka med...

Les meir ...
annonse

VM-bronse til Onar

22.01.2018 Kjetil Rydland

Brørne Harald og Onar Westerheim på skeisebanen i Baselga. Foto: Privat.  VM-bronse til Onar Westerheim-brørne Onar og Harald Westerheim gjorde ein sterk innsats under skeise-VM for veteranar i Italia, og Onar sikra...

Les meir ...