Laurdag 20. Januar 2018


Nye, spennande og gode smakar

Det var mange gode og spennande rettar å få smaka på då det vart servert mat frå ni ulike land i gangen hos Spar i dag.

Allereie før ein kom inn fekk ein ei aning om at noko var på gang. Det var mest ikkje råd å finna ledig parkeringsplass i sentrum, det seiv god matlukt ut frå Larsen-bygget, og då ein kom innom dørene var det så fullt at det nesten ikkje var råd å føta seg. Over alt, tett i tett, stod det folk med papptallerkar fulle med smaksporsjonar av ulike rettar.

Servering av gratis smaksprøvar av mat frå ulike land var ein del av markeringa av internasjonal helg på Fitjar. Med kvar sin stand frå sitt land vart det servert matrettar frå Argentina, Thailand, Filippinane, Japan, Bulgaria, Polen, Serbia, Cuba og Noreg. Det var god stemning og god drøs rundt standane. Og alle eg snakka med hadde same kommentar til maten: Dette smakte kjempegodt!

Joanna Sawicka frå Polen hadde laga ein god grønsakssalat og stod på stand saman med Agneizka Kulesza og Andrzej Zielinski. Joanna synes det var kjekt å få vera med på dette og fortalde at det hadde vore mange folk innom standen deira, og synte til nesten heilt skrapa salatbollar. Sjølv hadde ho ikkje rukke å smaka på dei andre sine rettar, ho hadde brukt all tida på å servera og å praktisera norsken som ho etter kvart har blitt svært god i.

- Dette er ein flott måte for folk å bli kjende med kvarandre på, og det gjev dei utanlandske tilflyttarane god norsk-trening, sa ei strålande nøgd Ellinor Bergesen frå Fitjar frivilligsentral, som er ein av arrangørane av den internasjonale helga. Ho fortel vidare at alle som vart spurd om å delta var svært positive til å vera med og syntes ideen med å vera synlege i sentrum med servering av gratis smaksprøvar var ein god ide. Ingrediensane til rettane har blitt sponsa av Spar, og Armelyn Mehammer fortel at ho treng ingen spesialbutikkar men får tak i alle ingrediensane til sin gode filippinske pansit i butikkane på Fitjar. Både på hennar og dei andre sine standar vart det delt ut oppskrifter saman med smaksprøvane, slik at folk sjølv kan prøva å laga dei ulike rettane.

I dag var det stort sett salt mat det handla om. I morgon vert det eit gedigent internasjonalt kakebord i samband med innbyggjartreffet som skal vera i Fitjar kultur- og idrettsbygg. Då vert det endå fleire nye og spennande smakar, lovar Ellinor Bergesen. På innbyggjarfesten er alle på Fitjar velkomne, enten ein er tilflyttar eller ein har budd her heile livet.

 

 

Fundamenta til dei nye vindmøllene er kl…

17.01.2018 Kjetil Rydland

Hans Erik Larsson frå firmaet Spennteknikk spenner strekkstaga til mølle 56. Foto: Kjetil Rydland. Fundamenta til dei nye vindmøllene er klare Når dei elleve nye vindmøllene kjem i april, skal dei ikkje...

Les meir ...

Utstillingsopning i Galleri Losjen, UNIV…

17.01.2018 Fitjar kommune

Utstillingsopning i Galleri Losjen, UNIVERSAL BEINGS

Les meir ...

Bankbygget mot ei ny blomstringstid

17.01.2018 Kjetil Rydland

Bygget som Sparebanken Vest flytta ut frå i 2016 ligg fint til midt i Fitjar sentrum. Foto: FP-arkiv/HCH.  Bankbygget mot ei ny blomstringstid Bankbygget i sentrum, som Sparebanken Vest flytta frå i...

Les meir ...
annonse
annonse

Kje til Fitjar for å gjera seg feite

15.01.2018 Kjetil Rydland

Kje er initiativrike dyr, som straks gjekk i gang med å gjera seg kjende i den nye heimen sin. Foto: Kjetil Rydland. Kje til Fitjar for å gjera seg feite  For nokre dagar sidan...

Les meir ...

Har ikkje klart å flytte ut frå Smedholm…

15.01.2018 Jonas Sætre

Har ikkje klart å flytte ut frå Smedholmen innan fristen Sjølv om leigeforholdet med Fitjar kommune gjekk ut ved nyttår har dei frivillige endå ikkje rydda ut av den kulturhistoriske eigedomen.

Les meir ...

Fitjar kino klar for premiere!

14.01.2018 Kjetil Rydland

Den nye maskinen er på det nærmaste klar til å visa film i Fitjar kultur- og idrettsbygg. Foto: Kjetil Rydland.  Fitjar kino klar for premiere! Ole Bergesen ved Fitjar kultur- og idrettsbygg fortel...

Les meir ...
annonse

Handballdamene sjanselause mot Stord

18.01.2018 Kjetil Rydland

Anita Haugland lukkast ikkje heilt mot Anna Thorland og Stord. Foto: Kjetil Rydland. Handballdamene sjanselause mot Stord Fitjar sine beste damer på handballbanen fekk bakoversveis og tapte prestisjeoppgjeret mot Stord med heile...

Les meir ...