Måndag 16. Juli 2018


Gode tonar

Femten jenter og ein gut frå kulturskulen leverde ein strålande flott foajekonsert, full av gode tonar, torsdag kveld.

Dei femti frammøtte i foajeen i Fitjar kultur- og idrettsbygg fekk ein intim og variert konsert med flinke song-, gitar- og pianoelevar og ein svært stødig fiolin-elev.

Det var 3. klassingen Andrea Brakedal som fekk æra av å opna konserten, med ein vikingsong, på piano. Ei stødig opning som sette standaren for resten av framføringane. Dei andre pianistane; Maria Prestbø, Nora Marie Hellesund, Sofie Rimmereid og Marte Rimmereid, viste og at dei beherskar instrumentet sitt godt og er i godt utvikling. Guro Rimmereid, som er inne i sitt 8. år som pianoelev, fekk publikum til å spissa øyrene ekstra og verkeleg forstå kva ein kan få til dersom ein øver jamt og trutt i år etter år, då ho framførde det avanserte og leikne Grieg-stykket Jølstring.

Eit av høgdepunkta under konserten var å få høyra dei ferske songelevane i aksjon for første gong, under leiing av songlærar Ole Andre Westerheim. Både Martine P. Korsvik og Emilie I. Skram som song "Annie's song" og Thea Træet og Mari Hatlevik som song "Gje meg handa di , ven", kom svært godt frå det. Dei meir røynde song-elevane Marie Oma og Silje Rydland som akkompagnerte seg sjølv på piano fekk med det synt at dei både har talent og klarer å stå heilt på eigne bein.

Romante Zemgulite og  Oda Volden de Fine spelar gitar i kulturskulen og akkompagnert flott og stødig til gitarlærar Jonas S. Olsen sin song.

To ekstra kjekke innslag denne kvelden var Eirin M. Oma sin flotte fiolinversjon av "Tir na noir", framførd utan notar, og einaste hane i korga, Ole Andre Stokken, som spelte til "Liten fuggel" på gitar. Ole Andre har vore gitarelev nokre år allereie og briljerte med flott vekselbass under sitt akkompagnement. 

Den gode variasjonen av nybegynnarar og meir erfarne musikkelevar var med på å gjera konserten ekstra kjekk og spennande og me gler oss til å høyra fleire gode tonar frå denne flinke gjengen.

Kulturskulen føl skuleåret, så når no skulen tek haustferie i veke 41 så er det og haustferie frå undervisinga i kulturskulen.

 

 

 

 

 

 

 

 

 

 

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse
annonse

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...
annonse

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse