Sundag 21. Januar 2018


Svevande hopp og flott dans

Elevane på 6. og 7. trinn på Rimbareid skule avslutta parkour- og danseprosjektet sitt med ei flott framsyning i gymnastikksalen på Rimbareid skule måndag ettermiddag.

Først ute på framsyninga var 7. klassingane som har hatt parkourundervising med parkourlærar Gareth Whittaker. Dei synte elegante forseringar av tillaga hinder og mange flotte og spenstige hopp. På vegne av alle 7. klassingane takka Rea Mitrovic den flinke læraren dei har hatt. "Det har vore så utruleg kjekt, me har lært så masse og du har fått oss til å bli meir tolmodige", sa Rea før ho gav Garath ein velfortent blomebukett.

Så var det dansarane i 6. klasse sin tur til å ta over "scenen". Til tonane av Thriller dansa dei rytmisk og flott i ulike formasjonar, og det var mykje danseglede å spora i rekkene. "Nokon grudde seg og nokon gledde seg då me skulle ta til med danseundervisinga. Men det er kjekt å prøva nye ting", sa Kaia Rydland før ho på vegne av alle 6. klassingane takka danselærar Jorunn G. Whittaker med ein blomebukett.  

Parkour og dans er ein del av padafiko-prosjektet, som er eit samarbeid mellom skulen og kulturskulen for å styrkja dei praktisk estetiske faga i skulen. Siste blomebukett gjekk til kulturskulerektor Anne Lene Ø. Jordåen, "Du er flink og dette hadde ikkje blitt til utan deg", var rektor ved Rimbareid skule, Siv Grethe Stamnes,  si helsing til kulturskulerektoren.

Omkring 70 frammøtte fekk med seg den flotte oppvisinga, som tidlegare på dagen hadde vore synt for alle barneskuleelevane på Rimbareid skule.

Neste padafikoprosjekt som kjem på timeplanen på Rimbareid er 2. klasse som skal få læra å spela mini-kornett etter påske. 

 

 

 

 

 

 

 

 

MOT med jenteløft på Rimbareid

19.01.2018 Kjetil Rydland

Victoria M. Maraas, Natalie Steien og Romante Zemgulyte minglar på gårsdagens jenteløft. Foto: Kjetil Rydland.  MOT med jenteløft på Rimbareid Torsdag kveld fylte ungdomsskulejenter amfiet på Rimbareid skule då MOT inviterte til...

Les meir ...

Handballdamene sjanselause mot Stord

18.01.2018 Kjetil Rydland

Anita Haugland lukkast ikkje heilt mot Anna Thorland og Stord. Foto: Kjetil Rydland. Handballdamene sjanselause mot Stord Fitjar sine beste damer på handballbanen fekk bakoversveis og tapte prestisjeoppgjeret mot Stord med heile...

Les meir ...

Fundamenta til dei nye vindmøllene er kl…

17.01.2018 Kjetil Rydland

Hans Erik Larsson frå firmaet Spennteknikk spenner strekkstaga til mølle 56. Foto: Kjetil Rydland. Fundamenta til dei nye vindmøllene er klare Når dei elleve nye vindmøllene kjem i april, skal dei ikkje...

Les meir ...
annonse
annonse

Utstillingsopning i Galleri Losjen, UNIV…

17.01.2018 Fitjar kommune

Utstillingsopning i Galleri Losjen, UNIVERSAL BEINGS

Les meir ...

Bankbygget mot ei ny blomstringstid

17.01.2018 Kjetil Rydland

Bygget som Sparebanken Vest flytta ut frå i 2016 ligg fint til midt i Fitjar sentrum. Foto: FP-arkiv/HCH.  Bankbygget mot ei ny blomstringstid Bankbygget i sentrum, som Sparebanken Vest flytta frå i...

Les meir ...

Kje til Fitjar for å gjera seg feite

15.01.2018 Kjetil Rydland

Kje er initiativrike dyr, som straks gjekk i gang med å gjera seg kjende i den nye heimen sin. Foto: Kjetil Rydland. Kje til Fitjar for å gjera seg feite  For nokre dagar sidan...

Les meir ...
annonse

Debuterte med utstilling i Galleri Losje…

20.01.2018 Kjetil Rydland

Brenda Mata debuterte med utstilling i Galleri Losjen i dag, her saman med musikaren Juan Carlos Moromenacho Marquez frå Equador. Foto: Kjetil Rydland. Debuterte med utstilling i Galleri Losjen Brenda Mata debuterte...

Les meir ...