Måndag 23. Juli 2018


Jubelmesser

Då Fitjar bedehus inviterte til julemesse i dag vart det halde to messer fulle av jubel, og det kom inn over 100 000,- til drifta av huset.

Dagen starta med grautsal og åresal før det først var ei barnemesse med mykje jubel, liv og røre og så ei hovudmesse der jubelen gjekk litt meir stille for seg. Begge stader sat pengane laust hos dei frammøtte og styret for Fitjar bedehus kunne etter ein lang, hektisk dag gle seg over eit bruttoresultat på 119 000,-. Ein stor sum som syner at folk set pris på huset og aktivitetane der og at dei vil vera med å bidra til drifta av bedehuset. 

"Her er det plass til alle" opna Fitjar barnegospel barnemessa med. Det var så vidt det haldt i dag. Det var "stinn brakke" og hadde eit par personar til prest seg inn skal ein ikkje sjå vekk frå at dei hadde klart det, for her var det rikeleg med hjarterom, men om det hadde vore luft nok, det er ei anna sak. Lufta var varm og tett og stemninga  og lydnivået høgt, slik det brukar vera når mykje godtfolk og fleire generasjonar er samla. Korsong, loddsal, kaker, andakt, allsong, tippekonkurransar og sal av julebakst med meir var populære innslag, men mest populært av alt var gull-lottoen, der alle under 12 år var sikra gevinst. Nokre kunne smila bredt fleire gongar under åretrekkinga, men for andre var det gull-lottoen som var redninga og som gjorde at dei vil koma attende eit anna år.

Etter ein liten pause med utskifting av luft, rydding og fjelging, og koking av ny kaffi, var det tid for hovudmessa. Her var gjennomsnittsalderen betydeleg høgare, lydnivået betydeleg lågare og jubelen gjekk meir stille for seg enn på barnemessa, men gleda såg likevel ut til å vera like stor. Andaktshaldar Kjell Haaland snakka om nådens år, jubel-året og det var han som "fann opp" det så godt beskrivande utrykket Jubel-messe. Jubel for den gode bodskapen Jesus forkynte. Den bodskapen som og Olav J. Oma snakka om i sin andakt på barnemessa; Guds store kjærleik til menneska på jorda, slik ein kan lesa i Johannes 3,16. 

Damegruppa Prais Him berika messa med sin nydeleg song, både på norsk og engelsk. Songar som såg ut til å gå rett til hjarta på dei som sat benka rundt borda. Spesielt tolkinga deira av Stille natt var til stor glede både for øyra og hjarta og fungerte som balsam for sjela. Gode tonar å bære med seg inn i adventstida.

Bedehusstyret og bedehusforeininga, som stod for messene, stelte godt med dei frammøtte og det vart servert flott laurdagskveldsmat i form av flotte, gode smørbrød og kaker. 

To åreomgangar og trekkinga av lodd på diversebok og hovudbok høyrde sjølvsagt og med, og fleire av den yngre garde var meir enn ivrige hjelparar for dei vaksne damene med langt lengre fartstid som basararrangørar, og som fortener stor heider og ære for å stå på slik år etter år. 

Det vart ein lang, vellukka dag med mykje liv og glede på bedehuset, slik styret for huset ville ha det. Tidlegare leiar Sylvi R. Sørfonn takka alle som hadde bidrege til messa på ulikt vis. Ingenting gjere seg sjølv og her ligg det svært mykje dugnad bak.

For mange er det blitt ein fin og viktig tradisjon å starta adventstida med julemesse på bedehuset og for eigen del er eg no med Stille natt klingande i øyra og ein åregevinst med 24 luker i handa, klar for å telja ned til den store høgtida.

 Klar for å telja ned til jul..

Trekningsliste barneboka:
Lego: Samuel L. Sætre
Duplo: Isak Sandve Tvedt
Ball: Lena Hillestad
Kubb-spel: Susanne Sørfonn
Bok: Stine Husveg
Fotball: Fa. Sven Sørfonn
Togbane: Anja Bukkøy Rydland
Spillmagasin: Eli Vestbøstad
Junior Alias: Oline Rimmereid
Strikka jakke: Fam. Kristian Vestbøstad
Babysteppe: Aurora Skålevik
Sjakkspill: Jonas Stokken
Ukulele: Steffen Henriksen Sørfonn
Helikopter: Ingeborg Vestbøstad
Dokke m/kle: Magnhild og Kjell Turøy
Rosa ullbukse: Fam. Terje Eiken
Traktor: Ola Dalen

Trekningsliste hovudbok
Kvit duk: Fam. Sven Sørfonn
Lilla duk: Sarah og Benjamin Sætre
Spekeskinke: Annlaug og Harald Hovstad
Pinnekjøtt: Fam. Inger Lise og Tor Heldal
Pinnekjøtt: Bjørg Nesbø
Kakeboks: Ellen Karoline Hovstad
2 lyslykter: Irene Hamborg
Brødbake-maskin: Annbjørg Stjern Tvedt
Lykt: Gerd Marit og Svein Lunde
Middag for 2: Fam. Tore Vestbøstad
Brodert juleduk: Fam. Sylvi Sørfonn
2 panner: Fam. Hildegunn og Jostein Husveg
Proviantkasse: Annlaug Rimmereid
Dobbelt sengeteppe: Sigrunn og Trygve Eiken
Kaffiservise 12 stk: Fam. Sylvi Sørfonn
TV - flatskjerm: Gunn Marit Volden

 

 

Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse
annonse

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse

Riggar for konsert med Ausekarane

20.07.2018 Kjetil Rydland

Marita Nysæther med Ivar Hovland og Asle Dahl frå Vest Lydservice. Foto: Kjetil Rydland.  Riggar for konsert med Ausekarane Fredag kveld er det hektisk akitivitet på Port Steingard i Kråko, der dei...

Les meir ...
annonse