Torsdag 19. April 2018


Opna med mjuk visesong

Göran Fristorp opna årets Fitjarfestival med svensk, fløyelsmjuk visesong, i ei fullsett Fitjar kyrkje.

Takk for ein nydeleg konsert, smilte damene mot den svenske sjarmøren, i det dei sikra seg ein signert CD etter konserten. Flott og variert, betre enn forventa, fantastisk gitarspel og flott avslutting, var nokre av superlativa som bobla ut av publikum på veg ut frå kyrkja etter ein god time med svensk visesong, ei salme, ein vals, musikal-musikk, Evert Taube-viser, og ein svensktopp-låt frå 70-talet.

Med opp mot 250 frammøtte var det ganske så fullt i kyrkja under den første av mange konsertar som vert arrangert under Fitjarfestivalen 2014. Opningskonserten var eit samarbeid mellom festivalkomiteen og temakveld-komiteen i kyrkja. Fristorp er ein godt vaksen mann og appellerte då og til eit vakse publikum, og det var eit visst sølvglitter i mange av hårmankane bortover i benkeradene. Men med ein musikkglad tenåring som var like fornøgd med konserten som både mor og mormor var, vart snittalderen dratt godt nedover.

Av mange fine songar og flotte framføringar la underteikna merke til at publikum likte ekstra godt Everytime we say godbye, Bring him home frå Les Miserables, Claptons Tears in heaven, salmen Dagen är nära og sist, men ikkje minst, ekstranummeret Men går jag över ängarna, som fekk publikum til å bryta ut i spontan applaus etter berre fire tonar.

Tonane var mjuke, reine og fine, formidlinga og uttrykket godt og ekte, men mest av alt vart me imponert over det fantastiske gitarspelet, som kom til sin rett ikkje berre som ekstra flott gitarakkompagnement til songen, men og gjennom lange, flotte forspel, mellomspel og etterspel. Og me seier som representanten for temakveld-gruppa, Benedikte Meyer sa; om artisten sjølv sakna fleire musikarar, eit orkester eller eit heilt symfoniorkester bak seg, så var det ingen i Fitjar kyrkje som sakna noko denne kvelden, Göran Fristorp og gitaren åleine var så absolutt godt nok for oss!

 

 

Bli med til Kvinnherad på bygdekvinnestr…

18.04.2018 Kjetil Rydland

Bjørg Strømme og bygdekvinnene har mange jern i elden. Foto: FP-arkiv/KR.  Bli med til Kvinnherad på bygdekvinnestreif  Bli med på bygdekvinnestreif i Omvikdalen 28. april, oppmodar Bjørg Strømme i ei pressemelding.

Les meir ...

Jenter med vinnarvilje!

17.04.2018 Kjetil Rydland

Lagkaptein Marion Træet og Siren Vik hadde god kontroll på midtbanen. Foto: Kjetil Rydland.  Jenter med vinnarvilje! I det sure regnet tysdag kveld var det Fitjar-jentene som viste både mest vilje og...

Les meir ...

Kjem du på Strandabasaren komande laurda…

17.04.2018 Kjetil Rydland

Fullt hus i Stranda bedehus på ein tidlegare Strandabasar. Foto: FP-arkiv/HCH.  Kjem du på Strandabasaren komande laurdag? Laurdag 21. april kl. 16.00 er det klart for ny basar i Stranda bedehus, og...

Les meir ...
annonse

Fitjar Idrettslag saknar fana si

17.04.2018 Kjetil Rydland

Slik ser den flotte fana til Fitjar Idrettslag ut, i alle høve såg ho slik ut då Fitjarposten tok dette biletet i mai 2012. Foto: FP-arkiv/KR.  Fitjar Idrettslag saknar fana si Dagleg...

Les meir ...

Øvrebygda-rektoren vil skifta skule

17.04.2018 Jonas

Øvrebygda-rektoren vil skifta skule Rektor ved Øvrebygda skule, Sigbjørn Aarland, er ein av fire søkjarar til stillinga som rektor ved Rimbareid skule.

Les meir ...

Hjartestartarar på ferjene til Fjord1

17.04.2018 Kjetil Rydland

F.v. HR-leiar i Fjord1, Cicilie Færestrand, maritim leiar Stig Hestetræet i Nordic Fire & Safety AS, og Monica Nyheim i verne- og miljøutvalet i Fjord1. Hjartestartarar på ferjene til Fjord1 Alle ferjene...

Les meir ...
annonse

Den nye rådmannen i Fitjar er på plass

18.04.2018 Harald Johan Sandvik

Den nye rådmannen i Fitjar er på plass Olaug Haugen er ny rådmann i Fitjar. Foto: Harald Johan Sandvik Påtroppande rådmann Olaug Haugen var med på sitt første politiske møte i Fitjar...

Les meir ...
annonse