Tirsdag 19. Juni 2018


Tapte 3-2 i Prestagardsskogen

A-laget til Fitjar kollapsa totalt i andre omgang i fotballkampen mot Trott i dag, og resultatet 3-2 gav ikkje Fitjar-laget det poenget dei hadde håpa på for å sikra seg opprykk til 4. divisjon. 

Det starta svært så bra, med mange gode sjansar og godt spel over heile linja. Etter 20 minutt kom det første målet, eit sjølvmål i Fitjar sin favør. Vidare hadde Fitjar mange sjansar gjennom heile den første omgangen. Men sjølv om dei hadde overtaket på heimelaget fekk aldri avslutta med ballen i mål og dei gjekk til pause med stillinga 0-1. 

Frå starten av andre omgang rakna det totalt for fitjargutane, over heile linja, og dei blåkledde scora tre mål i løpet av det første kvarteret. Fitjar var tydeleg underlegne og var heldige at Trott ikkje fekk endå fleire mål. Heilt mot slutten kom dei seg litt, og i det 82. minuttet reduserte Jan Åge Tislevoll stillinga 3-2. 

Trenar Kjell Træet, som sjølvsagt er skuffa over resultatet og prestasjonane, trur noko av grunnen til den kollektive kollapsen var nerver. Mange av spelarane er unge og det var store forventingar til denne kampen. Men alt kan ikkje skuldast alder, for heller ingen av dei meir rutinerte A-lagsspelarane merka seg ut med spesielt godt spel i dag.

Interessa for A-laget er stor og mange fulgte dei på kampen i dag, og sjølv om Fitjar spelte bortekamp så heia fleirtalet av dei frammøtte i Prestegardsskogen på dei grønkledde spelarane frå Fitjar.

At Fitjar-laget tapte dagens kamp betyr ikkja at dei har tapt kampen om opprykk. Dei treng berre eitt poeng for å forlate 5. divisjon, og dei har endå to kampar på seg til å henta inn poenget. Neste sjanse vert i heimekampen mot Laksevåg neste laurdag. 

Sjølv om fitjargutane opplevde ein nedtur i dag er trenaren sikker på at laget kjem til å reisa seg igjen. Dei satsar med friskt mot vidare, og håpar på at vinden blæs deira veg neste veke.

 

 

 

Fin friidrettsinnsats i vakre Strandebar…

17.06.2018 Kjetil Rydland

Marius Pedersen (82) i fint driv på 600 meter i Strandebarm. Foto: Privat.  Fin friidrettsinnsats i vakre Strandebarm Sju aktive friidrettsutøvarar frå Fitjar deltok denne helga på Hardanger friidrettsfestival i vakre Strandebarm...

Les meir ...

Leir som 4H-oppgåve

16.06.2018 Kjetil Rydland

Isabell Fluge Rydland og Lars Rydland Sæbø med utsikt over bakkane på Tislavoll, der leirdeltakarane bur i telt og lavvoar. Foto: Kjetil Rydland.  Leir som 4H-oppgåve Øvrebygda 4H skipar denne helga til...

Les meir ...

Ny danselærar med entusiasme!

16.06.2018 Kjetil Rydland

Med smittande entusiasme byr danselærar Karoline Frederich elevane opp til dans i gymsalen på Rimbareid skule. Foto: Kjetil Rydland.  Ny danselærar med entusiasme! Fitjar kulturskule har tilsett Karoline Frederich som ny lærar...

Les meir ...
annonse

A-laget slo Stord 2!

15.06.2018 Kjetil Rydland

Lars Fitjar Waage løftar trenar "Dikki" Steensohn på gullstol etter den kjærkomne sigeren over Stord. Marius H. Storebø og målscorar Nils Ingard Tislevoll jublar like mykje. Foto: Kjetil Rydland.  A-laget slo...

Les meir ...

Ikkje kyrkjelydsprest

15.06.2018 Kjetil Rydland

Ikkje kyrkjelydsprest Fitjar sokneråd har gjort vedtak om ikkje å tilsetja kyrkjelydsprest, men å utlysa stilling som trusopplærar i 80 % stilling.

Les meir ...

Lyspunkt i tronge tider i Fitjar

15.06.2018 Harald Johan Sandvik

Lyspunkt i tronge tider i Fitjar Lysløypa vil ta til her ved Olstjødno og følgja vegen oppover Foto: Harald Johan Sandvik Formannsskapet vedtok oppstart på lysløype frå Olstjødno til Svartavatnet.

Les meir ...
annonse

Ferieavvikling ved Fitjar legesenter

17.06.2018 Kjetil Rydland

 Fitjar legesenter. Foto: FP-arkiv / Harald Johan Sandvik. Ferieavvikling ved Fitjar legesenter Frå helse- og sosialsjef Anne Økland har me fått ei oversikt over når legane ved Fitjar legesenter tek ferie. Sjå...

Les meir ...
annonse