Måndag 23. Juli 2018


Gode prestasjonar i Maileikane

Ti utøvarar frå Fitjar idrettslag gjorde det godt under friidrettsstemnet Maileikane på Karmøy i helga.

Maileikane, som vert arrangert av Haugesund idrettslag, vart i år haldne på Torvastad idrettssenter på Karmøy. Maileikane er eit nasjonalt friidrettsstemne for dei mellom sju og nitten år, og samla denne pinsehelga friidrettsutøvarar frå heile 40 ulike idrettslag. Frå Fitjar idrettslag deltok ti utøvarar, støtta av ein solid foreldredelegasjon på sidelinja.

Trenar Bård Inge Bø har sendt oss fylgjande rapport om prestasjonane til fitjarutøvarane:

Mest gledeleg, og overraskande denne helga var Marius Torbjørnsen (10) og Vilde Vestbøstad (12) sine prestasjonar på 600m. Dette er ein distanse ingen Fitjar-utøvarar har sprunge på mange år, men våre to debutantar gjekk til verket med dødsforakt! Marius inn til den flotte tida 2.07 og 4.plass totalt av dei mange deltakarane, Vilde inn til 2.05 og siger i heatet sitt og 7.plass totalt (neste gong kjem ho i heat med meir jambyrdige konkurrentar og forbetrar seg truleg mykje på det). Begge gjorde også sakene sine bra på 60m. Vilde nokre hundredeler frå finaleplass med pers 9,79. Pers også på Marius med 10,66.

Men det skal mykje til å forbigå Tone Sandtorv Brakedal (14) også denne gongen. Ho sigra på 60m hekk, utan oppvarming, og utan noko som stemte så veldig, på den gnistrande tida 9,67! Dette er årsbeste i landet i hennar klasse, gav henne bestemannspremie for hekkeløparane og gir 1005 poeng etter tyrvingtabellen. Lengde, under noko vanskelege tilhøve på søndagen, gav Tone ein ny førsteplass med 4,69m. Ho fekk klar pers på 200m med 27,92 og 5.plass. Det er også sterkt av ei jente som ikkje er mest kjent for sine "stayereigenskapar". På 60m vart det også ein flott pers med tida 8,18 i forsøket. I finalen fekk ho ein tjuvstart, og vart litt passiv på den neste starten i frykt for disk. 8,32 og 3.plass er det likevel vanskeleg å vere direkte misnøgd med!

Ole Rimmereid Rørvik (13) fekk også to fine persar i finveret på laurdagen. 10,20 på 60m og 3,37 i lengde. Jenterekruttane Anna Sandvik Bø og Linnea Vestbøstad (begge 9) vart utsett for litt knuffing av dominoeffekt-typen på 60m, men dansa i mål på høvesvis 11,37 og 11,43, noko som var pers for begge. Linnea deltok i tillegg i lengde. Guterekruttane Joakim Malkenes Fitjar (9), Eirik Torbjørnsen (8) og Johannes Sandvik Bø (7) deltok alle på 60m og lengde. Joakim kom inn til siger i sitt heat på 60, med pers 10,47. Eirik fekk den fine tida 12.04, og Johannes ei hårsbreidd bak med flotte 12,06. I lengde strekte Eirik seg lengst av våre med 2,67. Joakim hoppa 2,62 og Johannes landa på 2,16m.

Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...
annonse
annonse

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...
annonse

Riggar for konsert med Ausekarane

20.07.2018 Kjetil Rydland

Marita Nysæther med Ivar Hovland og Asle Dahl frå Vest Lydservice. Foto: Kjetil Rydland.  Riggar for konsert med Ausekarane Fredag kveld er det hektisk akitivitet på Port Steingard i Kråko, der dei...

Les meir ...
annonse