Laurdag 21. Juli 2018


Orientering i eige tempo

Årets turorienteringssesong er godt i gang og med kart og kompass i handa er det duka for mange kjekke stunder i meir eller mindre kjent terreng.

Med strålane påskever og tørt terreng  er det reine draumestarten på årets turorienteringssesong. Orienteringsgruppa har lagt ut turorienteringsmateriell hos MX-sport og på Videoen, og seier at noko av det fine med turorientering er at du kan finna postane i naturen når du vil og i det tempoet du sjølv ynskjer. Postane er fordelt på fire kart; Svartasmoget/Sælevik, Sæterbø/Vekslia, Vassverket/Vik og Tveitasaga, og dei fleste postane er lagt slik at det skal vera greit å nå dei saman med born. På kontrollkortet som følgjer med karta kan ein samla poeng for dei postane ein har funne og etter avslutta sesong kan ein skaffa seg TurO-merke om ein har sanka  nok poeng. Dei som er datainteressert kan og registrera deltakinga si på nettet. Turorientering er ein kjekk og spennande aktivitet som passar både for små og store, både dei superspreke og dei som likar best å tusle av garde. Her legg ein opp lengde og tempo sjølv, og ein har over 3 månader på seg til å prøva å finna alle 50 postane. Men ein treng heller ikkje finna alle postane for å delta, det viktigaste er at ein kjem seg ut, at ein får brukt både hovudet og kroppen og at ein kanskje vert endå betre kjend i skog og mark på Fitjar.  

Me starta årets sesong roleg med ein tur ved Tveitafossen. Skogbotnen var tørr og fin, sola skein frå skyfri himmel, fuglane kvitra, isen på Storavatnet buldra, fossen spruta mellom istappane og fem gongar opplevde me gleda ved å finna posten me var på jakt etter. Ein forholdsvis kort tur som me gjerne anbefaler for andre.

Fullt med bilar ved utfartsårene til fjells vitnar om at mange brukar ferien til rekreasjon i den lokale fjellheimen. Turlaget har tradisjonen tru laga til topptrim for dei som likar seg godt i høgda. Topptrimfoldaren, som er felles for Stord og Fitjar, kan ein få kjøpt hos MX-sport. Fleire av toppane i trimmen ligg i Fitjar, slik som mellom anna Klovskarfjellet. På den høgaste toppen på Klovskarfjellet, somt ragar 555 meter over havet, finn ein topptrimbok og merketang og om veret er klart får ein flott utsyn over både fjellheimen, bygda og skjergarden. I fjellet er og terrenget tørt for tida, og den frosne marka gjere det lett å gå om ein berre er obs på issvullar som dukkar opp her og der. 

Turlaget har i tillegg til vanleg Topptrim og Barnas topptrim. 

Midtfjellet vindkraft har opna for ferdsel på alle anleggsvegane i påsken. Anleggsverksemda har pause fram til 2. april, men dei oppmodar likevel til alminneleg varsemd og bruk av refleksvestar sidan det likevel kan førekoma køyring i området.

Både Storm og Yr lovar fint ver med strålande solskin på Fitjar resten av påska så alt ligg til rettes for mykje god utaktivitet, berre ikkje bålbrenning. I samband med det fine og tørre veret, og etter meldingar om mange gras- og lyngbrannar på Vestlandet, har brannsjefen sett seg nødt til å innføra førebels forbod mot å gjera opp eld i skog og mark. 

 

20130328 turorientering HR4

 Flott ved Tveitafossen.

 

 

 

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse