Onsdag 18. Juli 2018


Vann 3-1 over Bremnes

Fitjar sitt a-lag i fotball vann vel fortent 3-1 over Bremnes på heimebane i dag. Det vart likevel ikkje opprykk til fjerde divisjon slik mange hadde håpa på.

Kampen i dag var både viktig og spennande sidan Fitjar kunne rykka opp til fjerde divisjon dersom dei vann over Bremnes, og Os 2 samstundes tapte sin bortekamp mot Søre Neset som gjekk parallelt med kampen på Fitjar.

Første omgang starta roleg. Både Fitjar og Bremnes, som går for å vera eit sterkare lag, var litt slappe og lite skjedde. Frå Fitjar si side vart mange ballar sløst vekk utan "mål og meining" og det var lite bevegelse i laget. Keeper Oddgeir Træet hadde mange gode redningar, men 38 minutt ut i første omgang scora Bremnes som forventa og gjekk opp i 1-0 leiing. Slik var og stillinga til pause. 

I pausen vart det opplyst at Os låg eit mål under i kampen mot Søre Neset og det gav ny glød til draumen om opprykk for Fitjar.

Medan spelarane hadde ein rask pause i garderoben, nytta leiar i fotballgruppa Gisle Levåg høvet til å gje heider, ære og blomar til Martin Hatlevik som har teke på seg ansvaret med å måla opp banen før kampane og Gerd Træet som har sørgd for at laget har hatt reine drakter til kvar kamp.

Så kom laga på ny ut på grasmatta som bar preg av haust og som låg bada i kveldssol. 

Få minutt ut i andre omgang scora Thomas Vestbøstad Waage for Fitjar, som med det utlikna til 1-1. Målet såg ut til å gje fitjarspelarane ny giv, og resten av andre omgang var tempoet og aktiviteten mykje større og Fitjar hadde eit klart overtak på dei gule motstandarane frå Bømlo heile resten av omgangen.

Leif André Tangen jobba svært godt ute på ving, og Fitjar-gutane spelte stort sett i angrep. 30 minutt ute i andre omgang braut jubelen laus på tribunen og langs banen der mange hadde møtt opp for å sjå Fitjar spela sin siste og avgjerande kamp denne sesongen. Med sitt 29. mål denne sesongen sørgde Thomas Vestbøstad Waage for at Fitjar gjekk opp i 2-1-leiing, og publikum ropa: 4. divisjon! Berre sju minutt seinare kom Thomas nok ein gong gjennom Bremnes sitt forsvar og scora sitt 30. mål denne sesongen, og med det var stillinga 3-1.  Fitjar hadde no full kontroll og Bremnes kunne ingenting meir gjera. 

Med sine tre scoringar i denne kampen vart Waage kåra til dagens fitjarspelar. 

Samstundes som laget kunne jubla for ein klar siger over ein sterk motstandar vart det klart at Fitjar likevel ikkje rykkjer opp sidan Os vann sin kamp . 

For å takka publikum for støtten gjennom sesongen som har gått vart det etter kampen servert marsipankake og kaffi til alle som ville ha. Både spelarar, trenarar, støttespelarar og små og store supporterar tok del i kakefesten i klubbhuset, og både kaka og sigeren smakte godt! 

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse