Laurdag 21. Juli 2018


To lag frå Fitjar på HAFO-cup

Eit lag frå 5. klasse og eit lag frå 6. klasse ved Rimbareid skule deltok på barneskule-hafo på Vikahaugane på Stord i helga.

HAFO-cupane på Stord i regi av Stord handball har lange tradisjonar og mange klassar har delteke her i årenes løp. Cupen i år var for dei som går i 4.-7. klasse og sjølv om det kjem invitasjon gjennom skulen er deltakinga foreldrestyrt. For ein del klassar kan det vera vanskeleg å stilla lag, som skal bestå av minst sju spelarar og ein vaksen lagleiar,  og i år var det berre to klassar frå Fitjar som klarde det. 

5. klasse hadde ikkje nok spelarar til å stilla med reint jentelag eller gutelag og stilte då med eit blanda lag som spelte i guteklassen og som dei kalla Luringane. I ein HAFO kamp skal det spelast ein omgang fotball og ein omgang handball. Det laget som har flest mål etter begge omgangane har vunne. I fotball er det seks spelarar på banen og i handball sju spelarar på banen. Femteklassingane var meir enn lure, dei var og gode lagspelarar og etter tre innleiande kampar kom dei til semifinalen som gjekk mot Rommetveit. I ein tøff og rå semifinalen måtte dei dessverre sjå seg slått 2-3 av The Right Stuff frå Rommetveit. Det var litt bittert å ryka ut og spelarane ville helst legga skylda for tapet på domaren, men dei hadde uansett storkost seg i hallen på Vikahaugane og var stolte over å ha kome så langt.

6. klasse stilte med eit reint jentelag. Dei starta tungt mot eit betydeleg sterkare lag frå Langeland som vann kampen 8-0.  Etterpå gjekk det meir fitjarjentene sin veg med 4-0-siger over Tjødnalio og uavgjort 3-3 mot Hystad. Dette gav laget 3 poeng, men det var dessverre ikkje nok til å gå vidare.

Jentenefrå 6. klasse  storkose seg på HAFO-cupen. Dei synes det var gøy å stilla med klasselag og å kombinera to ulike lagspel, og det var kjekt å treffa igjen folk dei kjenner frå fotballkampane i serien.

-Me reiser gjerne tilbake neste år og, seier dei ballspel-glade jentene.

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...
annonse
annonse

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...
annonse

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...
annonse