Laurdag 23. Juni 2018


Fekk våtkort

Både ordføraren, kultursjefen og fleire ungdomar fekk våtkort under introduksjonskurset i havkajakk-padling på Vestbøstad tysdag kveld.

I samband med at det i desse dagar vert danna eit nytt KRIK-lokallag på Fitjar med satsing på havkajakk-padling for ungdomar vert det tilbode introduksjons- og grunnkurs i havkajakk. Kursa er meint for tenåringar, men denne kvelden fekk og ordførar Wenche Tislevoll og kultursjef Bente Bjelland vera med saman med fire kjekke tenåringsjenter. I følgje kyrkjelydsprest Nobukazu Imazu, som stod for kurset, var det stas for jentene å delta på padlekurs saman med dei to populære damene.

Først måtte det mest grunnleggjande lærast, som å bera og sjøsetta kajakken og sittestilling og god padleteknikk. Så var det øving på å svinga kajakken begge vegar, stopping og padling bakover, før det vart pause på ei strand på Kalveid med servering av japanske nudlar i karri-saus, laga på stormkjøken. Den matinteresserte kultursjefen storkoste seg med den eksotiske matretten frå austen, fortel Nobu.

Tilbake på Lamatøkje, der turen starta, var det tid for å øva seg på å gå rundt med kajakken og å koma ut av den i vatnet på ein tilfredsstillande måte. Alle seks kursdeltakarane var tøffe nok til å velta, slik dei måtte for å få godkjend Våttkort frå padleforbundet.

Truleg er "Krik havkajakk på Fitjar" det første KRIK-lokallaget med havkajakk, seier leiar Nobukazu og fortel om då han spurde Kjell Markset i KRIK om padling i havkajakk er idrett. Sjølv om Markset har padla heile den gamle gullgravarruta frå Seattle til Alaska sa han at for han har padling vore meir rekreasjon enn idrett. Om kursdeltakarane såg på kveldens økt som idrett eller rekreasjon, eller begge delar, er usikkert, men det som er sikkert er at det var ein svært nøgd damegjeng med ferskt våtkort på lomma som takka Nobu for kurset. Ordføraren og kultursjefen retta ei stor takk til kyrkjelydspresten og lovpriste Nobu for hans sterke engasjement når det gjeld aktivitetar for ungdom. "Det er svært positivt for bygda vår med slike initiativrike personar", poengterte kultursjefen, som etter kurset utbraut: Padling er god kultur!

Hatlevikbasaren

22.06.2018 Kjetil Rydland

Mykje folk og god stemning på Hatlevikbasaren. Foto: FP-arkiv/HCH.  Hatlevikbasaren Søndag 7. juli er det igjen klart for den tradisjonsrike Hatlevikbasaren.

Les meir ...

Høyr NM-programmet til Fitjar Skulekorps…

22.06.2018 Kjetil Rydland

Fitjar Skulekorps i toppform til NM  Høyr NM-programmet til Fitjar Skulekorps! Fitjar Skulekorps inviterer til før-NM-konsert i Fitjar kultur- og idrettsbygg onsdag i neste veke. 

Les meir ...

A-laget slo Halsnøy / Trio 2!

21.06.2018 Kjetil Rydland

Daniel Skarpnes blei dagens mann i kampen mot Halsnøy / Trio 2 med to scoringar. Foto: FP-arkiv/KR. A-laget slo Halsnøy / Trio 2! Torsdag kveld sikra A-laget til Fitjar seg tre viktige...

Les meir ...
annonse
annonse

- Ikkje snakk ned kommunen vår!

21.06.2018 Harald Johan Sandvik

– Ikkje snakk ned kommunen vår! Rådmann Olaug Haugen og økonomisjef Trond Salmo informerer, Foto: Harald Johan Sandvik Snakk ikkje ned kommunen og den økonomisk situasjonen! Det var bodskapet frå kommunestyret i...

Les meir ...

Betelskipet tilbake til Fitjar

21.06.2018 Håkon C

Betelskipet tilbake til Fitjar   Betelskipet «Elieser 6» kjem tilbake til Fitjar på fredag, legg til ved Meierikaien og har kveldsmøte om bord.

Les meir ...

Fitjar har det dyraste byggesaksgebyret …

20.06.2018 Jonas Sætre

Fitjar har det dyraste byggesaksgebyret i Hordaland Medan Granvin kommune tek 4610 kroner i byggesaksgebyr, tek Fitjar komune heile 28.000 kroner for å gjere den same jobben.

Les meir ...
annonse

Samferdselsminister Solvik-Olsen til Fit…

22.06.2018 Kjetil Rydland

Samferdselsminister Ketil Solvik-Olsen er venta til Sveiseneset torsdag i neste veke. Foto: Samferdselsdepartementet. Samferdselsminister Solvik-Olsen til Fitjar Mek. Fitjar Mekaniske Verksted får besøk av samferdselsminister Ketil Solvik Olsen før han avsluttar ei...

Les meir ...
annonse