Laurdag 21. Juli 2018


Friidretts-Tone med tre KM-gull

Tone Sandtorv Brakedal, det store friidrettstalentet frå Fitjar, deltok i helga i Krinsmeisterskap i friidrett på Fana stadion. Ho sette fleire nye personlege rekordar, og er no på veg heim frå Bergen med tre gull-, ein sølv- og ein bronsemedalje i bagasjen. Ådne K. Vik innkasserte ein sølvmedalje og ein bronsemedalje i same meisterskap.

Bård Inge Bø, frå friidrettsgruppa til Fitjar idrettslag, har sendt oss fylgjande gledelege rapport om prestasjonane til 12-årige Tone S. Brakedal:

"Særleg i tresteg på laurdagen synte Tone korleis farten hennar kombinert med styrke og spenst, er noko ganske anna enn hos konkurrentane. 10,69 m er i særklasse, det er det sterkaste einskildresultatet Tone nokon gong har prestert og gir 1119 poeng etter tyrvingtabellen. Det er pers med godt over 180 cm. Resultatet gav, nærast sjølvsagt, ein soleklar førsteplass!

På søndagen var det i lengde med tilløp ho persa seg klarast. 4,69 m heldt også til klar førsteplass og 993 tyrving-poeng.

Prestasjonane 1,30m i høgde med tilløp, som gav sølv, og 31,09 og bronse på 200m er også framifrå prestasjonar, men kjem i denne samanhengen litt i skuggen av det som skjedde i lengdegropa.

Tone skal springe 60 m seinare i dag (søndag), så vi kjem tilbake med meir. Om ho har endå meir krut igjen i beina er ho truleg heilt i toppen også der."

Ny rapport tikkar inn, og denne fortel at det vart gull på Tone på 60 meter og, på tida 8,80, berre 11 hundredelar bak hennar personlege rekord.

Det tikkar stadig inn nye rapportar frå friidrettsgruppa. Siste melding seier at Ådne Vik (13 år) frå Fitjar og gjorde seg bemerka i KM 2011. Han satte to klare personlege rekordar med 1,40 i høgde og 8,68 i tresteg. Det heldt til ein sterk bronseplass i høgde, og ein endå sterkare sølvmedalje i tresteg.

Fitjarposten gratulerer dei flinke, unge, medaljesankande friidrettsutøvarane Tone og Ådne med flotte prestasjonar og gode plasseringar!

Fullstendig resultatliste finn ein etter kvart på heimesida til Gneist idrettslag.

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...
annonse
annonse

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...
annonse

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...
annonse