Laurdag 21. Juli 2018


Sparcupen er godt i gang

Fotballcupen Sparcup er godt i gang på Fitjar, med hundrevis av fotballspelarar i alderen seks til ti år i sving på kunstgrasmatta.

Då startskotet gjekk klokka 10.00 laurdag føremiddag var det duka for to heile dagar med fotball-glede på Fitjar. Spar-cupen er for dei som går i 1. - 4. klasse, og 67 lag frå Stord, Fitjar og Austevoll er påmelde, kan Britt Lise Volden i sekretariatet opplysa, før ho åtvarar mot sterk lyd og blåse av første kamp. Det vert spelt på seks banar parallelt , og i løpet av helga er rundt 600 unge fotballspelarar i sving på kunstgrasmatta. Det er eit lite skår i gleda at cupen i år ikkje kunne haldast på grasbanen i Idrettsparken, grunna at den er nysådd etter isbrannen i vinter. Men det ser ut til å fungera fint på kunstgrasbanen og, sjølv om det har kravd ekstra planlegging av dei som har sete i arrangørnemnda. Cupen er godt organsiert på alle vis, frå parkering, til kampoppsett, domarar og matsal. God planlegging og mange dyktige frivillige kan ta æra for det. Etter mange år med cup sit arrangørane på mykje god erfaring, men på spørsmål om kor lenge cupen har halde på, svarer Anne Helene Vestbøstad i styret at det lurer ho og på. Kanskje har me svaret til i morgon...

I dag, laurdag er det 3. og 4. klassingane som er i sving på matta. Søndag er det 1. og 2. klasse sin tur. Cupen samla som vanleg mykje folk i dag, ikkje berre fotballspelarar og foreldre, men heile slekter og mange andre interesserte.

Litt kjøleg drag i lufta gav perfekt temperatur for dei aktive på banane, og gav godt kaffisal i kiosken til foreldre som stod på sidelinja og småhutra. Det var stor aktivitet og engasjement både på banen og på sidelinjene, og til tider veldig godt fotballspel. Me merka oss særleg gutar 2002 frå Fitjar som hadde godt lagspel, enorm kampvilje og nokre unge spelarar med ein skotfot nestan utan like. Og så får me håpa kampviljen og fotballgleda er like stor hos all dei andre tretten Fitjar-laga som deltek på cupen og alle gjestene.

 

 

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...
annonse
annonse

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...
annonse

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...
annonse