Sundag 15. Juli 2018


NM-gull til Øyvind Fykse Lie og Brann

Brann, med blant anna Øyvind Fykse Lie frå Fitjar, vann NM-finalen for G16 på Brann stadion i dag. Med dette vart Øyvind historisk som den første frå Fitjar i ein NM-finale for 16-åringar.

Dette var andre gong i historia at det vart spela NM-finale i fotball for gutar 16 år. Første gong, i 2009, var det Viking sine 16-åringar som gjekk av med sigeren. Kampen i år gjekk på Brann stadion mellom Brann og Stabæk. At kampen vart spela på sjølvaste Brann stadion gav ekstra stemning og opp mot 2 200 menneske møtte opp for å få med seg denne gratis fotball-kampen med svært høg kvalitet og spekka med unge fotballtalent. Dei fleste av spelarane på Brann-laget kjem frå Bergen, og Øyvind frå Fitjar er den som kjem lengst vekke frå.  For tida har Øyvind og gjort Bergensar av seg, når han no har flytta på hybel og går på toppidrettsgymnaset i Åsane. I Sunnhordland kunne me tidlegare denne veka lesa at Øyvind tok til i Brann i slutten av august, og såleis er ganske fersk på laget og i Brannmiljøet. Øyvind starta kampen på benken. Allereie etter 15 minutt fekk Brann si første scoring, og dei var klart best på banen gjennom heile første omgang. Til pause var stillinga 2-0 til Brann. Kampen bestod av to omgangar à 40 minutt. I siste halvdel av andre omgang kom Øyvind på banen, og han hadde med det same eit godt skot mot mål, men ballen gjekk dessverre ikkje inn. Det var Brann som hadde kontroll over andre omgang og, og dei kunne gå sigrande ut av kampen med heile fire mål mot Stabæk sine null. Brann-trenar Rune Soltvedt uttalte til fotball.no på fredag at han trudde dette kom til å bli ein jamn kamp, men slik vart det altså ikkje, her hadde Brann overtaket gjennom heile kampen og vann overlegent og fortent. Framfor over 2000 publikumarar og direkte-sending på nettet på NRK-sport kunne dei 22 brannspelarane ta imot hyllest og pokalar og smykka seg med tittelen Noregsmeister. Til slutt kunne kapteinen Jones Grønner løfta "bøtta" som det endelege beviset på at laget er Noregsmeister 2010. Seinare i dag vert det bankett for å feira seieren og dei unge lovande fotballspelarane.

Pappa Ketil Fykse, som stolt fekk oververa sonen sin NM-finale saman med mamma Solveig, fortel om ei svært flott stemning på stadion. Bataljonen var der med flagg og greier, og det vart spela nasjonalsong før kampstart. Det var ei fin ramma rundt kampen. Ketil, som har langt meir peiling på fotball enn journalisten, seier og at Brann var svært gode frå starten av. Det var ein kjekk kamp og Brann vann velfortent. Då me snakkar med Ketil på telefonen på ferja heim frå kamp er den ferske noregsmeisteren Øyvind allereie på plass på festen.  Ketil fekk ikkje veksla så mange ord med den historiske sonen sin etter kampen, berre så snarast overlevera dressen han trong til banketten, for den skal det vera stil over.

Det var mange fotballnamn på Brann stadion i dag me kjem til å høyra mykje meir om i åra framover, og eit av dei er historiske Øyvind Fykse Lie som starta fotballkarieren sin på Fitjar. Fitjarposten gratulerer Øyvind med sigeren og ynskjer han lykke til vidare i fotballkarrieren!

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...

Karina fekk MS-behandling i Moskva: – No…

12.07.2018 Jonas Sætre

Karina fekk MS-behandling i Moskva: – No ser eg veldig lyst på framtida og på livet For snart to år sidan fekk Karina Haaland frå Fitjar beskjeden om at ho fekk...

Les meir ...
annonse
annonse

Hurtigbåt til Tysnesfest

11.07.2018 Kjetil Rydland

Til helga kan du reisa på Tysnesfest, fram og tilbake, med snøggbåt. Foto: Tysnesfest Hurtigbåt til Tysnesfest Førstkomande laurdag går det snøggbåt frå Leirvik, Rubbestadneset og Fitjar til Våge i høve Tysnesfest.

Les meir ...

Fitjar billigast i Hordaland!

11.07.2018 Kjetil Rydland

Ordførar Wenche Tislevoll kan smila når ho ser desse tala frå Huseiernes Landsforbund. Foto: FP-arkiv/HCH. Fitjar billigast i Hordaland! Fitjar kommune er aller billigast i Hordaland på eigedomsskatt og kommunale avgifter til...

Les meir ...

Dagens fugl: Strandsnipe

10.07.2018 Kjetil Rydland

Strandsnipe i Pøylo, i nordenden av Dåfjorden. Foto: Kjetil Rydland.  Dagens fugl: Strandsnipe Strandsnipe er liten fugl med ein fin plystrelyd – og både fuglen og den fine lyden er verd eit par...

Les meir ...
annonse

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse