Kjem ikkje slaktebilen snart?

Kjea på Rydland har hatt ein god vinter, og om eit par dagar går dei første til slakt.

Veterinær og geitebonde Håkon Rydland Sæbø fortel at dei første kjea er klare til levering. Om eit par dagar sender han 20 kje til slakt på Nortura sitt anlegg i Sandeid. Dei største er 15 kilo, levande vekt, noko som tilsvarar ei slaktevekt på litt under det halve.

Minimum godkjend slaktevekt er 3,5 kilo. Etter kvart som dei 76 geitekillingane oppnår denne vekta, vil nesten alle bli leverte til slakt. Berre 5-6 av dei 76 kjea har utsikt til eit litt lengre liv. Dei reknar geitebonden med å setja på.

Hallstein er klar til slakt - eller kanskje er han den heldige som skal bli grabukk? Foto: Kjetil Rydland.

Gjennom denne enkle patenten har det gått mykje rimeleg mjølk frå Rydland Storfe til svoltne kje. Foto: Kjetil Rydland.

Det gjeld å vera om seg om ein skal oppnå godkjend slaktevekt. Foto: Kjetil Rydland.