Torpedo var dei beste av dei beste
Laurdag ettermiddag var det finalekampar etter eit langt døgn med fotballcup i Fitjar kultur- og idrettsbygg.
-
Karen Elisabet Rydland Sæbø på
-
Mange gode skudd og mange harde og høge skudd i dame-finalen, men kvar vart det av ballen?
-
Elin Kvia stod sikkert i mål for
-
Ei heil helg med fotballkampar slit på utstyret...
-
Kjetil Fykse lurer ballen i mål i straffekonkurransen.
-
Med denne redninga av keeper Oddgeir Træet var Torpedo sin siger sikra.
Den innandørs fotballcupen Wärtsilä- cup starta fredag kveld, og etter 15 timar med fotballkampar var det laurdag ettermiddag klart for semifinalar, bronsefinalar og finalar.
Den første finalekampen var i open klasse og gjekk mellom Blue Oyster boys og Jokers . Ein jevn kamp der Bue Oyster Boys gjekk av med sigeren etter at dei fekk sitt siste avgjerande mål 22 sekund før kampen var slutt.
Damefinalen gjekk mellom På glid og Nest Sotra. Ein kamp med mange målsjansar og gode skudd, men gode redningar frå keeperane sørgde for måltørke gjennom heile kampen. Spesielt Elin Kvia på "På glid" fekk mange gode skudd mot seg, men redda alt som kom i hennar veg. Det vart 5 minutt ekstra-omgang, og i siste minutt der fekk Sotra mål på eit treffsikkert langskudd og dei kunne med det feira sigeren i dame-klassen.
Så langt hadde alle finalekampane vore svært jevne, og den siste finalenkampen som gjekk i Elite-klassen vart endå meir spennande. Her skulle dei gjevaste av dei gjeve konkurrera, og kampen stod mellom Torpedo og Wickmann Motorfabrikk. Torpedoane hadde overtaket i starten av kampen, og scora heile to gongar i løpet av dei første to minutta. Oddgeir Træet som skulle forsvara Torpedo-målet redda gong på gong, men så i dei to siste minutta tok det til å skje ting. Wickmann hadde to raske scoringar heilt mot slutten, og med det tok spenninga seg opp. Kampen enda med speleforlenging, og det var amper og engasjert steming både på banen og på tribunen. Det var mange gode skudd begge vegar, men ingen gjekk i mål og det måtte straffespark-konkuranse til for å avgjera kampen. 3 straffar kvar. Det enda 2-2. Så var det over på ein og ein straffe om gongen. Først ute var Ketil Fykse for Torpedo. Han lurer keeper og triller ballen inn i høgre hjørna. Spenninga stig. Det er Wickmann sin tur, og Oddgeir står klar til å forsvara målet. Han står stødig og sender ballen ut igjen, og med det kan sigersgleda bryta ut hos Torpedo. Dei mottek folket sin hyllest, gullmedaljar og pokal. Og Rolf Solli og Heine Storevik som Fitjarposten traff på cupen fredag kveld er på plass for å gratulera trenaren sin, Kjell Træet, med sigeren.
Og me kan alle gratulera arrangørane med eit godt gjennomført arrangement!
Blue Oyster Boys som består av Martin Nysæther, Åsmund Sørfonn, Frode Brakedal, Vikctor Aga, Kjell Magne Halleråker, Per Helge Lillefosse og Lars Martin Volden vann Open klasse
Nest Sotra stakk av med sigeren i dame-klassen.
