Onsdag 18. Juli 2018



Foto: Colourbox.

Fryktar norsk ungdom øvingskøyrer for lite

Jo meir du køyrer, dess betre sjåfør blir du. Bruk sommaren godt og lat ungdomane sleppe til bak rattet, oppmodar Trygg Trafikk.

 

Mange 16-åringar er klare for å lærekøyra, men føraropplæring er ikkje lenger godkjent som gyldig fråvær frå skulen. Trygg Trafikk er uroa for at ungdomane ikkje køyrer nok før dei skal ut på vegen åleine.

– Unge i alderen 15-24 er dei mest risikoutsette i trafikken. Bruk sommarferien til å la 16-åringane ta over køyringa. Det er viktig at dei øver seg mest mogleg slik at dei får eit godt grunnlag for å bli trygge førarar, minst 140 timer i tråd med Statens vegvesen sine tilrådingar, seier distriktsleiar i Trygg Trafikk Hordaland, Knut Olav Røssland Nestås.


Tren på å bli ein god sjåfør

Røssland Nestås er tidlegare trafikklærar og har ei klar oppmoding til både dei som skal byrje med trafikkopplæring og foreldra deira.

– Skal du bli flink til noko, så er det trening som gjeld. Det same gjeld for bilkøyring. Køyring handlar ikkje berre om å lære å bruke gir og kløtsj riktig, men å lære å forstå trafikken og vere merksam. Det tekniske er ein del av opplæringa, men vala du tar som fersk sjåfør er mykje viktigare, seier Røssland Nestås.


Vel ein godkjend trafikkskule

Mange foreldre er nervøse og usikre når dei håpefulle skal setje seg bak rattet for fyrste gong.

– Eit godt tips er å la dei gå til ein godkjend trafikkskole i starten slik at dei har eit godt grunnlag før foreldra tar over. Eg vil også tipse om at foreldra blir med på dei fyrste køyretimane. Det gjev innsikt i korleis trafikklæraren jobbar og tips til kva de kan jobbe vidare med.


Bruk den nyaste bilen

– Bruk den nyaste bilen de har. Dette gjeld både når de øvingskøyrer og når poden skal låne bilen etter at lappen er i boks. Og heilt til slutt, ikkje la deg stresse. La det bli ei fin og trygg oppleving for begge to, avsluttar Røssland Nestås.

 


– Jo meir du køyrer, dess betre sjåfør blir du, seier distriktsleiar i Trygg Trafikk Hordaland, Knut Olav Røssland Nestås.
 


HUGS DETTE NÅR DU SKAL STARTE MED ØVINGSKØYRING:
– Raud L på kvit bakgrunn, godt synleg i bakvindauget eller bak på bilen
– Ekstra spegel til rettleiar
– Rettleiar må vere minst 25 år og ha hatt førarkort samanhengande dei fem siste åra
– Trygg Trafikk og Statens vegvesen tilrår minst 140 timar med øvingskøyring
– Bilen må vere i klasse B, som har tillaten totalvekt inntil 3500 kilo
– Du kan ikkje lærekøyre i utlandet
– Prov for gjennomført trafikalt grunnkurs og legitimasjon må vere med under køyring

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse