Tirsdag 19. Juni 2018



Nærmare 150 menneske samla seg etter kvart i skråninga nord for Kidnavatnet før Fridleif Lydersen sette i gang gudstenesta. Foto: Kjetil Rydland. 

Godvêr og mykje folk på friluftsgudstenesta

Over 150 soknebarn i alle aldrar var med på friluftsgudstenesta ved Kidnavatnet andre pinstidag.

 

Pinstivêret kunne knapt ha vore betre då kyrkjelyden samlast til friluftsgudsteneste i skråninga ovanfor gapahuken ved Kidnavatnet i går. Vel 150 soknebarn var på plass i den milde brisen for å følgja opp den gode tradisjonen, som Stord-Fitjar Turlag og Fitjar kyrkje har samarbeidd om i ein del år. 

Dei som ikkje såg seg syn med å gå til fots heilt opp til Kidnavatnet, fekk skyss med kyrkjeverje Harald Rydland og andre frivillige. Som vanleg var alle generasjonar godt representerte, med soknebarn frå under eitt år til over 90.

Gudstenesta vart leia av fungerande sokneprest Fríðleif Lydersen, medan Olav J. Oma hadde teke plass oppe i lyngen saman med familien. Lydersen måtte greia seg utan klokkar, men Sindre Aarbø hjelpte til med å ringja i den medbrakte «kyrkjeklokka». Og kyrkjeverje Harald Rydland akkompagnerte salmesongen med trekkspelet sitt 

Kyrkjelyden runda av samværet ved gapahuken med kyrkjekaffi og litt heimebakst før turen gjekk heimover eller vidare til fjells. Turleiar Ellen Vestbøstad tok med seg ein flokk over Beinatjønnsvarden, medan enkelte andre fann andre turmål i fjellet før dei vende heim. 

På oppmoding frå kulturprisvinnar Toralv Røen, tok turgåarane med seg kvar sin stolpe oppover. Dei skal brukast til å montera dei nye turskilta i  fjellet. Den ivrige friluftsmannen frå Dåfjorden er særs nøgd med at alle var med og sørgde for at stolpane kom på plass.  

– Me kan vel kalla dette gudsteneste med stolpabering, meiner Toralv Røen.

 


Kyrkjeverje Harald Rydland og prest Fríðleif Lydersen lyttar medan Sindre Aarbø ringjer i klokka. Foto: Kjetil Rydland. 

 


Fríðleif Lydersen les dagens tekst for kyrkjelyden. Foto: Kjetil Rydland.

 

 

  

Butikkar og tenester i sentrum "Klikk for å sjå alle"

.

Fin friidrettsinnsats i vakre Strandebar…

17.06.2018 Kjetil Rydland

Marius Pedersen (82) i fint driv på 600 meter i Strandebarm. Foto: Privat.  Fin friidrettsinnsats i vakre Strandebarm Sju aktive friidrettsutøvarar frå Fitjar deltok denne helga på Hardanger friidrettsfestival i vakre Strandebarm...

Les meir ...

Leir som 4H-oppgåve

16.06.2018 Kjetil Rydland

Isabell Fluge Rydland og Lars Rydland Sæbø med utsikt over bakkane på Tislavoll, der leirdeltakarane bur i telt og lavvoar. Foto: Kjetil Rydland.  Leir som 4H-oppgåve Øvrebygda 4H skipar denne helga til...

Les meir ...

Ny danselærar med entusiasme!

16.06.2018 Kjetil Rydland

Med smittande entusiasme byr danselærar Karoline Frederich elevane opp til dans i gymsalen på Rimbareid skule. Foto: Kjetil Rydland.  Ny danselærar med entusiasme! Fitjar kulturskule har tilsett Karoline Frederich som ny lærar...

Les meir ...
annonse

A-laget slo Stord 2!

15.06.2018 Kjetil Rydland

Lars Fitjar Waage løftar trenar "Dikki" Steensohn på gullstol etter den kjærkomne sigeren over Stord. Marius H. Storebø og målscorar Nils Ingard Tislevoll jublar like mykje. Foto: Kjetil Rydland.  A-laget slo...

Les meir ...

Ikkje kyrkjelydsprest

15.06.2018 Kjetil Rydland

Ikkje kyrkjelydsprest Fitjar sokneråd har gjort vedtak om ikkje å tilsetja kyrkjelydsprest, men å utlysa stilling som trusopplærar i 80 % stilling.

Les meir ...

Lyspunkt i tronge tider i Fitjar

15.06.2018 Harald Johan Sandvik

Lyspunkt i tronge tider i Fitjar Lysløypa vil ta til her ved Olstjødno og følgja vegen oppover Foto: Harald Johan Sandvik Formannsskapet vedtok oppstart på lysløype frå Olstjødno til Svartavatnet.

Les meir ...
annonse

Fagtorg "Klikk for å sjå alle"


Ferieavvikling ved Fitjar legesenter

17.06.2018 Kjetil Rydland

 Fitjar legesenter. Foto: FP-arkiv / Harald Johan Sandvik. Ferieavvikling ved Fitjar legesenter Frå helse- og sosialsjef Anne Økland har me fått ei oversikt over når legane ved Fitjar legesenter tek ferie. Sjå...

Les meir ...
annonse