Sundag 27. Mai 2018



Fitjar nede for teljing med null poeng etter tre kampar. Foto: Kjetil Rydland.

Bremnesingane blei altfor sterke for A-laget

Trass ei tidleg leiing ved Daniel Skarpnes viste Fitjar-gutane seg altfor veike og måtte gi tapt for aggressive bremnesingar fredag kveld.


Fitjar kom godt i gang mot litt avventande bremnesingar på Olvondo stadion fredag kveld. Daniel Skarpnes kom til fleire brukbare sjansar i byrjinga av kampen, og det var verken uventa eller ufortent at den unge goalgetteren fekk gleda av å gi Fitjar leiinga 1-0. Han scora fint frå spiss vinkel etter å ha fått eit minst like fint framspell frå Kristian Træet på midtbanen.

 


Fitjar-keeper Trond Henriksen markerte seg med fleire flotte redningar på Olvondo. Foto: Kjetil Rydland. 

Ein augneblink trudde me at Fitjar skulle greia å festa eit aldri så lite grep om kampen. Men den gong ei. Leiinga varte berre i tre-fire minutt, før Benjamin B. Munkvold utlikna. Han scora frå kort hald etter eit hardt innlegg frå sida. Med slike harde innlegg hadde Bremnes funne vinnaroppskrifta. Kvar gong dei kom ned på kanten og fekk slege inn harde innlegg av gammalt, godt Roberto Carlos-merke, blei det kaos i Fitjar-forsvaret.

Bremnes dominerte den siste timen av kampen. 2-1 kom etter ein halvtimes spel, då Guttorm Kallevåg heada eit frispark i mål. Og rett etter pause fekk lagkaptein Andreas Agasøster litt for god plass på vel 20 meter. Det fine skotet gjekk inn i vinkelen, utanfor rekkevidda til kveldens solide Fitjar-keeper, Trond Henriksen. Derfrå og inn kontrollerte Bremnes kampen, og kunne lett ha scora både eitt og to mål til. Men bra keeperspel, stongskot og redningar på streken gjorde at Fitjar heldt eit slags liv i kampen.

Og ein smule dramatikk blei det på overtid. Fitjar tok seg kraftig saman på slutten, og Helge Myrmel Træet heada eit innlegg knallhardt i mål. No hadde Fitjar faktisk eit par sjansar til å utlikna, før dommaren bles av kampen, fire minutt på overtid. 3-2 til Bremnes var diverre heilt fortent, og sigeren kunne vore langt større.

På plussida for Fitjar i går noterte me at fem innbytarar kom innpå utan å svekka laget. Det skal bli spanande å sjå om Øyvind Fykse Lie og Lars Fitjar Waage vil nå gamle høgder. Litt meir urovekkande er det at laget som heilskap ikkje ser ut til å vera trent for 90 minutts spel.

Ny sjanse til poeng i årets 5. divisjon får A-laget komande fredag mot Inter Bergen heime på Fitjar.

 


Eitt mål på overtid blei eitt mål for lite for Helge M. Træet, som gjorde sitt beste for å utlikna i sluttminutta. Foto: Kjetil Rydland.


BREMNES–FITJAR 3-2 (2-1)

Olvondo stadion, fredag 20. april kl. 19.00 - seriekamp 5. divisjon avd. 03

Mål: 15. min. 0-1 Daniel Skarpnes, 19. min. 1-1 Benjamin Brekke Munkvold, 30. min. 2-1 Guttorm Kallevåg, 48. min. 3-1 Andreas Agasøster, 91. min. Helge M. Træet 3-2 

Gult kort: Andreas Agasøster (38.)

Dommar: Ronny Mongstad, Østsiden Askøy FK

Publikum: 100

Fitjar sitt lag (4-3-3): Trond Henriksen, Bernt Ove Maraas, Leif Tore Nesbø Aarland, Nils Ingard Værness Tislevoll, Sander Hrafnsson Tverborgvik, Helge Myrmel Træet, Kristian Træet, Torbjørn Korsvik, Marius Helland Storebø, Rezwan Mahammad Kadir og Daniel Skarpnes.
Innbytarar med speletid: Øyvind Fykse Lie, Jonas Yang Tislevoll, Lars Fitjar Waage, Svein Arne Jordan Raunholm, Emil S. Fitjar

Butikkar og tenester i sentrum "Klikk for å sjå alle"

.

Ikkje drep hoggormen!

25.05.2018 Kjetil Rydland

I dag hadde denne stakkars hoggormen kome fram i sola og mist livet. Foto: Kjetil Rydland. Ikkje drep hoggormen! I ettermiddag låg ein død hoggorm på traktorvegen frå Dalshaugane opp mot Tveitakleivo...

Les meir ...

Inviterer til «Dei Unges festspelframsyn…

25.05.2018 Jonas

Inviterer til «Dei Unges festspelframsyning» Laurdag inviterer Fitjar kulturskule, saman med dei andre kommunane i Sunnhordland, til «Dei unges festspelframsyning» i kinosalen i Stord kulturhus.

Les meir ...

Både Drønen og Lydersen på søkjarlista

25.05.2018 Kjetil Rydland

Fríðleif Lydersen vil bli sokneprest i Fitjar. Foto: Kjetil Rydland. Både Drønen og Lydersen på søkjarlista Då søknadsfristen gjekk ut denne veka, var både fungerande sokneprest Fríðleif Lydersen og tidlegare Fitjar-prest Roald Drønen...

Les meir ...
annonse

Geir Skeie med hårete hurtigmat-ambisjon…

24.05.2018 Jonas Sætre

Geir Skeie med hårete hurtigmat-ambisjonar: – Potensialet er mykje større enn 1000 restaurantar I november var planen til Geir Skeie å starte opp 10 restaurantar av hurtigmatkonseptet «Pink Fish» i løpet...

Les meir ...

Innfører totalforbod mot open eld

24.05.2018 Jonas Sætre

Innfører totalforbod mot open eld Illustrasjonsfoto: Pixabay Fitjar kommune innfører totalforbod mot open eld i grunna stor  gras-, lyng- og skogbrannfare.

Les meir ...

«Verdas o-dag» – ei global mønstring

23.05.2018 Kjetil Rydland

 Ola og Jon Fitjar Hjelle sprang den korte løypa, og kom i mål hakk i hæl. Foto: Kjetil Rydland. «Verdas o-dag» – ei global mønstring I går var Fitjar med på «Verdas...

Les meir ...
annonse

Fagtorg "Klikk for å sjå alle"


Legg ny straumkabel

26.05.2018 Kjetil Rydland

Her blir det lysregulering framover, til arbeidet med straumkabelen frå bedehuset til Rimbareid er ferdig. Foto: Kjetil Rydland. Legg ny straumkabel I desse dagar legg Fitjar Kraftlag ned ny straumkabel mellom Fitjar...

Les meir ...
annonse