Sundag 27. Mai 2018



Ordførar Wenche Tislevoll med brurparet Malene Løklingholm Leivestad og Morten Bauge Torland. Foto: Kjetil Rydland.  

Første vigsla for ordføraren

Fredag fekk ordførar Wenche Tislevoll sin elddåp då ho vigde Morten Bauge Torland (31) frå Fitjar og Malene Løklingholm Leivestad (23) frå Stord. 

 

– Det var ei fin vigsle, syntest det lukkelege ekteparet kort tid etter den første vigsla i kommunestyresalen på Fitjar rådhus.

Begge ektemakane er busette i Ålesund, og dei hadde køyrt heim i natt for å vera klare til vigsla, fortel Morten Torland. Litt sveitt i hendene vedgjekk han at han var medan han venta på at brura skulle koma. Ho kom naturlegvis i svigerfar, Magnar Torland, sin flaggpynta Volvo P1800 veteranbil. 

Både far og son Torland liker bilar, og Morten hadde stilt opp veteranbilane då han fridde til Malene. Frieriet fann stad i naustet til Magnar på Kalveid. Om det gjorde utslaget skal vera usagt, men:

– Heldigvis svarte ho ja med ein gong! seier Morten og smiler. 

 

Høgtideleg og fin seremoni

På rådhustrappa blei brura teken imot av svigermor Jorunn Bauge Torland, og foreldra sine, Anne Britt og Even Leivestad. Oppe i kommunestyresalen venta om lag 20 bryllaupsgjester frå den nærmaste familie, saman med ordførar Wenche Tislevoll.

Til tonane frå Elvis Presley «Can`t help falling in love» blei brura ført inn til den høgtidelege seremonien av far sin, Even Leivestad. Ordføraren minte brurparet på det store alvoret i det løftet dei gir kvarandre på ein slik dag, og las diktet «Lyset» av Halldis Moren Vesaas. 

Sjølv gifte Wenche Tislevoll seg på akkurat same datoen for 33 år sidan. – Og eg er framleis gift med same mann! sa ho og smilte. 

Etter den høgtidelege seremonien i kommunestyresalen, tek brurparet gjestene med seg bort på Fitjar vidaregåande skue, der det blir kaffi og kaker. I slutten av juni blir det ei større feiring, fortel brudgommen. Då har dei leigd ein pub i England, og vil ha ei større feiring med rundt 35 gjester. 

Fitjarposten gratulerer, og ønskjer det nye ekteparet lykke til.



Malene får ringen på fingeren. Foto: Kjetil Rydland. 

 

Spent ordførar

Var du spent på førehand, ordførar Wenche Tislevoll?

– Det var like spennande for meg! Men slik skal det vel også vera, svarte den blide ordføraren etter elddåpen sin. 

Ho legg til at ho synest det gjekk fint, og at ho er glad for at det blei ei slik høgtideleg og fin stund. 

 


Brudgommen Morten Torland med far og bestefar, Magnar og Sverre Torland. Foto: Kjetil Rydland. 

 

Desse har borgarleg vigselsrett i Fitjar kommune:

Ordførar Wenche Tislevoll, varaordførar Agnar Aarskog og rådmann Atle Tornes. Vigselsretten følgjer funksjonen, så om kort tid er det den nye Fitjar-rådmannen Olaug Haugen ta over.

 

 

Butikkar og tenester i sentrum "Klikk for å sjå alle"

.

Ikkje drep hoggormen!

25.05.2018 Kjetil Rydland

I dag hadde denne stakkars hoggormen kome fram i sola og mist livet. Foto: Kjetil Rydland. Ikkje drep hoggormen! I ettermiddag låg ein død hoggorm på traktorvegen frå Dalshaugane opp mot Tveitakleivo...

Les meir ...

Inviterer til «Dei Unges festspelframsyn…

25.05.2018 Jonas

Inviterer til «Dei Unges festspelframsyning» Laurdag inviterer Fitjar kulturskule, saman med dei andre kommunane i Sunnhordland, til «Dei unges festspelframsyning» i kinosalen i Stord kulturhus.

Les meir ...

Både Drønen og Lydersen på søkjarlista

25.05.2018 Kjetil Rydland

Fríðleif Lydersen vil bli sokneprest i Fitjar. Foto: Kjetil Rydland. Både Drønen og Lydersen på søkjarlista Då søknadsfristen gjekk ut denne veka, var både fungerande sokneprest Fríðleif Lydersen og tidlegare Fitjar-prest Roald Drønen...

Les meir ...
annonse

Geir Skeie med hårete hurtigmat-ambisjon…

24.05.2018 Jonas Sætre

Geir Skeie med hårete hurtigmat-ambisjonar: – Potensialet er mykje større enn 1000 restaurantar I november var planen til Geir Skeie å starte opp 10 restaurantar av hurtigmatkonseptet «Pink Fish» i løpet...

Les meir ...

Innfører totalforbod mot open eld

24.05.2018 Jonas Sætre

Innfører totalforbod mot open eld Illustrasjonsfoto: Pixabay Fitjar kommune innfører totalforbod mot open eld i grunna stor  gras-, lyng- og skogbrannfare.

Les meir ...

«Verdas o-dag» – ei global mønstring

23.05.2018 Kjetil Rydland

 Ola og Jon Fitjar Hjelle sprang den korte løypa, og kom i mål hakk i hæl. Foto: Kjetil Rydland. «Verdas o-dag» – ei global mønstring I går var Fitjar med på «Verdas...

Les meir ...
annonse

Fagtorg "Klikk for å sjå alle"


Legg ny straumkabel

26.05.2018 Kjetil Rydland

Her blir det lysregulering framover, til arbeidet med straumkabelen frå bedehuset til Rimbareid er ferdig. Foto: Kjetil Rydland. Legg ny straumkabel I desse dagar legg Fitjar Kraftlag ned ny straumkabel mellom Fitjar...

Les meir ...
annonse