Måndag 23. Juli 2018



Jacob Mehammer, Thea Træet, Alice Rose Mehammer og Ole R. Rørvik sjarmerte på scenen som ABBA. Foto: Kjetil Rydland. 

ABBA-FEBER I FITJAR!

Når Fitjar skulekorps og Fitjar musikklag byr opp til konsert, har publikum etter kvart fått store forventningar til gode musikalske opplevingar.

 

Dette vert oppfylt nesten frå første tone og ikkje minst med det synet som møter oss når sceneteppet opnar seg. Det er eit imponerande syn med ca 70 stilige musikantar i alderen 7–60 år som opnar showet med stykket Abba gold. Dei spelar med god balansert lyd og presisjon, stødig dirigert av Svein Roger Koppang. 


Svein Roger Koppang dirigerer korpset medan 10.-klassingane Alice Rose Mehammer og Thea Træet er solistar. Foto: Kjetil Rydland.

 

Konferansierar denne kvelden er Sissel Jørgensen og Terje Træet, kjende namn frå revy og teater i Fitjar. Dei losar oss gjennom kvelden med sine verbale, morosame og uhøgtidlege kommentarar som gjer sitt til at stemninga er god allereie frå starten av. 

Så kjem dei fleste Abba-slagerane på rekke og rad, der Thea Træet, Alice Rose Mehammer, Ole Rimmereid Rørvik og Jacob Mehammer er songsolistar. Nokre er solomummer, nokre er duettar, og på ein del songar ER dei ABBA der alle fire som syng saman. Og for ein prestasjon dei gjer! Dei er så trygge på scenen, kan songane godt, og syng svært bra. Dei dansar sjarmerande, og har gitt fleire songar ein enkel koreografi som fungerer svært godt. Stemmene står godt til kvarandre, og dei formidlar glede og musikalitet til publikum. Alt er stilig gjennomført med flotte og tidsriktige kostyme. Her er bøttevis med sjarm, og me blir sjarmert i senk!  Det er rett og slett imponerande av desse fire ungdommane.  

Stemmene kjem sjølvsagt betre fram under dei neddempa songane, der det berre er piano som er akkompangnement. Då let me oss imponera av gode songprestasjonar, og blei grundig sjarmert av Fitjar sin nye smørsongar, Ole Rimmereid. Eller som Sissel sa, Julio Iglesias kan berre gå å leggja seg! 

Guro Rimmereid er stødig på flygelet, og samspelet med solistane er nydelig. 

Tor Håkon Aarbø si framføring på flygel av Queen-låten, «Don`t stop me now» er krevjande og har høg vanskegrad, noko han løyste på ein imponerande måte. Fortent jubel og applaus til han! 

Thea og Alice Rose har mange songnummer, og klarer å halda eit høgt nivå under heile konserten. Det er godt gjort av så unge jenter. Og når gutane klarer å kora presist og halda tunga beint i munnen på blant anna «Take a chance on me» er det så kjekt å vera på konsert, å få oppleva i lag med så mange at Fitjarbygda har så mykje bra å by på.

Me har ikkje gløymt korpset – dei spelar svært bra, og samspelet med solistar er prima, noko dirigenten sjølvsagt skal ha æra av. Han har jobba systematisk og godt i fleire år, og som gjer at dei kan setja opp ei slik stor forestilling som denne Abba-konserten.

Ståande applaus og blomar og roser til dei involverte har sjeldan vore meir fortent.

Skulesjef John Karsten Raunholm var og framme med blomar til Koppang, og var full av lovord over kva Fitjar får til, og rosa spesielt dirigenten for hans leiarskap. 

Abba-feberen varer til og med i morgon, då er siste forestilling kl 17.00 i Fitjar kultur- og idrettsbygg. Denne sjansen bør ingen la gå i frå seg! Og er ikkje feberen gått ned for dei som var i dag, gå berre ein gong til – for  Mamma Mia for eit show!

Bravo!

 


Konferansierane Sissel Jørgensen og Terje Træet leia oss gjennom progrmmet på ein fortreffeleg humoristisk måte. Foto: Kjetil Rydland. 

 


Elvis Presley konferansier i Fitjar kultur- og idrettsbygg. Foto: Kjetil Rydland. 

 


Søskenparet Jacob (18) og Alice Rose (15) imponerte i lag på scenen. Kjetil Rydand.

 


Skulesjef John Karsten Raunholm takka på vegner av Fitjar kommune, og delte ut velfortente blomar til dirigent Svein Roger Koppang. Foto: Kjetil Rydland. 

 


Julio Iglesias? Nei, dette er Ole Rørvik. Foto: Kjetil Rydland.

Butikkar og tenester i sentrum "Klikk for å sjå alle"

.

Ny lunsjkonsert med kantor Overweg

20.07.2018 Kjetil Rydland

Kantor Jan Overweg ved det nye orgelet i Fitjar kyrkje. Foto: Kjetil Rydland.  Ny lunsjkonsert i kyrkja med kantor Overweg I morgon er det klart for ny lunsjkonsert i Fitjar kyrkje med kantor...

Les meir ...

Til topps i NM for islandshest

19.07.2018 Kjetil Rydland

Carolin Storebø og hingsten Arnviður heime i Vik med det synlege provet på siger i NM. Foto: Kjetil Rydland. Til topps i NM for islandshest Med hingsten Arnviður gjekk Carolin Storebø frå...

Les meir ...

Fitjarpoteter i butikkken i morgon!

19.07.2018 Kjetil Rydland

No kan Turid Fitjar forsyna kundane sine med tidlegpoteter frå Fitjargarden. Foto: Kjetil Rydland. Fitjarpoteter i butikken I dag begynte Turid Fitjar å ta opp poteter, og i morgon er det tidlegpoteter frå...

Les meir ...
annonse
annonse

Pengar til verna kulturminne

19.07.2018 Kjetil Rydland

Rydlandssago var det kulturminnet som fekk det største tilskotet denne gongen.  Pengar til verna kulturminne Kultursjef Bente Bjelland gler seg over at fem søknader om tilskot til verna kulturminne i Fitjar har...

Les meir ...

Geir Skeie opnar Pink Fish i Bergen

18.07.2018 Kjetil Rydland

Illustrasjonsfoto: Pink Fish.  Geir Skeie opnar Pink Fish i Bergen I morgen, 19. juli, opnar Geir Skeie og partnarane den første Pink Fish-restauranten i Bergen. Dette er den tredje restauranten i kjeda...

Les meir ...

Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse

Fagtorg "Klikk for å sjå alle"


Køyrde 700 km for å kjøpa ny løpsbil!

20.07.2018 Kjetil Rydland

Bobla med 2,4 liters motor er på plass i bilparken på Rydland, og meir eller mindre klar til Landsfinalen i august. Foto: Kjetil Rydland. Køyrde 700 km for å kjøpa ny løpsbil Sist...

Les meir ...
annonse