Måndag 19. Februar 2018



Kristine Claussen Sømme, Vanja Mikkelsen og Sondre Håvardsholm Dalsbotten er nett ferdige å laga gulrotkjeks med havregryn. Foto: Kjetil Rydland. 

NFU med nyttig kurs i mat og helse

Fitjar Fjordhotell og Fitjar vidaregåande skule hadde denne helga besøk av ein flokk glade kurselevar som har lært om mat og helse, i regi av Norsk Forbund for Utviklingshemma.

 

Heile 14 deltakarar stilte opp på "kokkekurset" som Stord/Fitjar lokallag av Norsk Forbund for Utviklingshemma arrangerte på Fitjar vidaregåande skule denne helga. I spissen for arrangementet stod leiar det lokale laget av NFU, Evy Skogedal. Ho hadde fått med tidlegare lokallagsleiar Ronald Hareide, som sjølv er profesjonell både som kokk og som lærar i matlaging. I tillegg hadde dei fått med to svært erfarne kokkelærarar ved Fitjar vidaregåande skule, Margareth Tislevoll og Astrid Bukkøy.



Glade fitjargutar på kurs, f.v. Mats Huseth Rasmussen og Jørund Innvær. Foto: Kjetil Rydland.


På Fitjar vidaregåande skule leiger dei opplæringskjøken som liknar på det me har i heimane våre, i motsetnad til storhushald. Dermed kan skulen by på svært gode forhold. Ronald fortel til Fitjarposten at dette er tredje gongen dei arrangerer eit slikt kurs i Fitjar, snart fem år år etter det første kurset, som viste seg svært vellukka. Målgruppa er ungdommar og vaksne som bur i eigne leilegheiter – og vona er å hjelpa dei til å bli mest mogleg sjølvhjelpne med matlaging.

I løpet av helga gjekk dei glade kokkane gjennom eit heilt kompendium med skikkeleg kvardagskost. På menyen stod blant anna wokgrønsaker, omnssteikte båtpoteter, brokkolisalat, pastasalat, laksefilet, fiskesuppe, grove vaflar med laks, heimelaga vaniljeis, bringebærtrollkrem, fruktspyd, gulrotkjeks med havregryn, vaniljesaus, bringebærtrollkrem, nanbrød, kylling og paprika med hot mangosaus, grøn salat, gulrotsuppe, bakt søtpotet og brookolisuppe. Resultatet var heilt fortreffeleg, noko me kan bekrefta etter å ha blitt bedt til bords med kursdeltakarane. 

Saman med dei to andre kokkelærarane gjekk Ronald Hareide til verket med stort engasjement. Fokuset er på sunn mat, og gjerne noko som ikkje tar så altfor lang tid å laga. – Mange av dei bur åleine, og då er det viktig å læra noko lettvint, som dei ikkje kvir seg med å gå i gang med! seier Hareide.

NFU arrangerer og ber hovudkostnaden, medan deltakarane betaler ein eigenandel, seier Evy Skogedal. I tillegg til matlaging hadde dei denne gongen fysisk aktivitet på programmet. Ein time under kunnig leiing i gymsalen på Rimbareid skule såg ut til å slå godt an. Dei fleste var bra med på øvingar som dei fleste kunne meistra, dans, styrketrening og bøy og tøy. Med to overnattingar blei det òg høve til mykje sosialt samvær. Mange av kursdeltakarane kjende kvarandre frå før, og gjensynsgleda var stor. Laurdagskvelden var det dans i pianobaren på Fitjar Fjordhotell.

Om NFU får til fleire kurs av dette slaget, vil me tru at gjengen møtest att. Opplegget såg ut til å vera ein skkkeleg innertiar både for kursdeltakarar og instruktørar.

 


Runar S. Skogedal forsyner seg av potetfatet. Foto: Kjetil Rydland. 

 


Og her forsyner Mats Huseth Rasmussen seg med middag. Foto: Kjetil Rydland. 

 


Ronald Hareide viser Ole Hauge korleis han skal bruka vårløken. Foto: Kjetil Rydland. 



Ørjan Wold med eit stykke laks på eit vaffelhjarte. Foto: Kjetil Rydland. 

 


Andreas Bergsvåg ser fram til å hogga i kylling med hot mango saus. Foto: Kjetil Rydland. 

 

 
Kjekt å eta maten som dei har laga sjølve, f.v. Mats Huseth Rasmussen, Runar S. Skogedal og Vanja Mikkelsen. Foto: Kjetil Rydland. 


Jostein Bergsvåg t.v. var med bror sin, Andreas, på kurset. Foto: Evy Skogedal. 

 

 

 

Butikkar og tenester i sentrum "Klikk for å sjå alle"

.

Kåra den vakraste boka i verda

17.02.2018 Kjetil Rydland

Aud Gloppen, kjend bokdesignar frå Fitjar. Foto: FP-arkiv/KR.  Kåra den vakraste boka i verda Aud Gloppen frå Fitjar har vore med og kåra den vakraste boka i verda.  

Les meir ...

Årets lokalpolitikar!

17.02.2018 Kjetil Rydland

Harald Rydland, engasjert KrF-politikar. Foto: FP-arkiv / Harald Johan Sandvik.  Årets lokalpolitikar! På fylkesårsmøtet på Sotra i helga blei Harald Rydland utnemnd til årets lokalpolitikar i Hordaland Kristeleg Folkeparti.

Les meir ...

Handballdamene vann klart over botnlaget

17.02.2018 Kjetil Rydland

Ingvild Rimmereid med seks mål mot Lyngbø. Foto: Kjetil Rydland.  Handballdamene vann klart over botnlaget Fitjar IL sitt damelag vann ein klar siger 26-19 over Lyngbø, og har dermed fått ei ørlita...

Les meir ...
annonse

Quiz for historiebøkene!

17.02.2018 Kjetil Rydland

Jostein Siglen med fingeren på bildet av seg sjølv på gårsdagens bildequiz, laget hans var det einaste som ikkje kjende han igjen på bildet. Foto: Kjetil Rydland. Quiz for historiebøkene! Fredagskveldens quiz...

Les meir ...

Korpsmusikk og publikum fylte Kultursale…

15.02.2018 Kjetil Rydland

Fitjar skulekorps spela frå ABBA-programmet som dei skal framføra i april. Foto: Kjetil Rydland.  Korpsmusikk og publikum fylte Kultursalen Vakker korpsmusikk, kaffi og god kaffimat og ikkje minst veldig god stemning fekk dei...

Les meir ...

Kokk tek over leiaransvaret for Fitjarfe…

15.02.2018 Jonas Sætre

Kokk tek over leiaransvaret for Fitjarfestivalen Inger Elin Helland har hatt ansvaret for maten under Fitjarfestivalen i mange år. No er ho valt som ny festivalleiar.

Les meir ...
annonse

Fagtorg "Klikk for å sjå alle"


God handballdag

18.02.2018 Kjetil Rydland

 Frå gårsdagens jentekamp mot Bjarg 3. Foto: Privat.  God handballdag Det var ikkje berre dei vaksne damene som spela handball i går, Fitjar hadde fleire lag i aksjon i aldersfastsette klassar, både...

Les meir ...