Måndag 19. Februar 2018



Toppscorar for Fitjar mot Sandviken, Randi Thorland, gjer seg klar til å ta straffekast.  Foto: Kjetil Rydland.

Viktig siger for handballdamene

Fitjar sine handballdamer sleit seg til ein eittmålssiger heime på Fitjar søndag kveld, då damene frå Sandviken blei sende over fjorden med 20-19 i den sure handballbagen. 

 

Etter tap for botnlaget Nordre Fjell sist helg var Fitjar heilt på botnen av tabellen i 5. divisjon. Derfor var det berre siger som gjaldt for Fitjar-damene då dei møtte Sandviken på heimebane i Fitjar kultur- og idrettsbygg.




Ingvild Rimmereid og dei andre handballdamene reiste seg og vann det jamne oppgjeret mot Sandviken. Foto: Kjetil Rydland.

 

Damene våre såg ut til å ha forstått alvoret i situasjonen, og kom godt i gang mot gjestene frå Bergen. Heile første omgang blei jamspelt, gjerne med Fitjar eit hestehovud føre, og heimelaget kunne gå til pause med 9-8-leiing.

 

Etter pausen heldt Fitjar fram med det gode forsvarsspelet, og keeper Mariell H. Stølås hadde fleire fine redningar. Ei stund var Fitjar oppe i ei tremålsleiing, og såg ut til kunna dra frå motstandarane sine. Men så svikta konsentrasjonen i forsvar, og gjestene gjekk opp i ei eittmålsleiing midt i omgangen. 

 

Sandviken klarte å halda på overtaket ei stund utover. Men heilt på slutten var det Fitjar som var best i å halda hovudet kaldt, og glade heimespelarar kunne avgjera med scoring i sluttminuttet. Dermed kunne dei jubla for ein fortent siger 20-19.

 

Trenar Trond Arnevik var særs fornøgd med dei to poenga, som gjer at laget hans kryp over nedrykksstreken. Det er eitt lag som rykkjer ned til 6. divisjon, men dit ynskjer han ikkje å reisa med damene sine. Han synest damene spela ein god forsvarskamp i kveld, med det blir for mange feil framover.


No vonar han på godt treningsframmøte, og at damene kan klora seg fast på sjetteplassen på den jamne tabellen i 5. divisjon avd. 02. Neste sjanse til poeng kjem laurdag 17. februar heime mot Lyngbø, som i augneblinken ligg heilt sist, med sju poeng. 

Fitjar sitt lag mot Sandviken (mål i parenes): Mariell H. Stølås (k), Randi Thorland (5), Martine Fredlund, Helene Rimmereid, Anita Haugland (4), Emilie Aaserud Hystad (2), Maria Grastveit Larsen (2), Ingvild Rimmereid (4), Frida Sunniva Mikalsen, Marit Thorland Helland (1), Renate Innvær Osen (2). 

 


Anita Haugland scora fire mål frå høgrekanten. Foto: Kjetil Rydland. 

Butikkar og tenester i sentrum "Klikk for å sjå alle"

.

Kåra den vakraste boka i verda

17.02.2018 Kjetil Rydland

Aud Gloppen, kjend bokdesignar frå Fitjar. Foto: FP-arkiv/KR.  Kåra den vakraste boka i verda Aud Gloppen frå Fitjar har vore med og kåra den vakraste boka i verda.  

Les meir ...

Årets lokalpolitikar!

17.02.2018 Kjetil Rydland

Harald Rydland, engasjert KrF-politikar. Foto: FP-arkiv / Harald Johan Sandvik.  Årets lokalpolitikar! På fylkesårsmøtet på Sotra i helga blei Harald Rydland utnemnd til årets lokalpolitikar i Hordaland Kristeleg Folkeparti.

Les meir ...

Handballdamene vann klart over botnlaget

17.02.2018 Kjetil Rydland

Ingvild Rimmereid med seks mål mot Lyngbø. Foto: Kjetil Rydland.  Handballdamene vann klart over botnlaget Fitjar IL sitt damelag vann ein klar siger 26-19 over Lyngbø, og har dermed fått ei ørlita...

Les meir ...
annonse

Quiz for historiebøkene!

17.02.2018 Kjetil Rydland

Jostein Siglen med fingeren på bildet av seg sjølv på gårsdagens bildequiz, laget hans var det einaste som ikkje kjende han igjen på bildet. Foto: Kjetil Rydland. Quiz for historiebøkene! Fredagskveldens quiz...

Les meir ...

Korpsmusikk og publikum fylte Kultursale…

15.02.2018 Kjetil Rydland

Fitjar skulekorps spela frå ABBA-programmet som dei skal framføra i april. Foto: Kjetil Rydland.  Korpsmusikk og publikum fylte Kultursalen Vakker korpsmusikk, kaffi og god kaffimat og ikkje minst veldig god stemning fekk dei...

Les meir ...

Kokk tek over leiaransvaret for Fitjarfe…

15.02.2018 Jonas Sætre

Kokk tek over leiaransvaret for Fitjarfestivalen Inger Elin Helland har hatt ansvaret for maten under Fitjarfestivalen i mange år. No er ho valt som ny festivalleiar.

Les meir ...
annonse

Fagtorg "Klikk for å sjå alle"


God handballdag

18.02.2018 Kjetil Rydland

 Frå gårsdagens jentekamp mot Bjarg 3. Foto: Privat.  God handballdag Det var ikkje berre dei vaksne damene som spela handball i går, Fitjar hadde fleire lag i aksjon i aldersfastsette klassar, både...

Les meir ...