Måndag 19. Februar 2018



Victoria M. Maraas, Natalie Steien og Romante Zemgulyte minglar på gårsdagens jenteløft. Foto: Kjetil Rydland. 

MOT med jenteløft på Rimbareid

Torsdag kveld fylte ungdomsskulejenter amfiet på Rimbareid skule då MOT inviterte til årets jenteløft, med storfint besøk av Gry Skarstein, som vann 71 º nord i 2016.

 

Godt over 50 av dei 70 jentene i ungdomsskulen på Rimbareid tok i mot ivitasjonen i går, då MOT-coachane Hilde Volden de Fine og Maria Solheim Thorsen inviterte til årets jenteløft. Sistnemnde opna samlinga med brask og bram, før ho gav ordet til Thea Træet og Alice Rose Mehammer, som bidrog med nydeleg song. 

 


Moralen til Gry Skarstein var å ikkje gi opp. Foto: Kjetil Rydland.

Det store trekkplasteret under gårsdagens jentesamling var nok møtet med Gry Skarstein frå Os. Ho heldt foredrag om deltakinga si i  71 º nord, ein konkurranse der ho gjekk heilt til topps i 2016. Med bilete og videoklipp gav ho eit levande bilete av den lange turen frå Lindesnes til Nordkapp. Ho understreka at ho hadde fått meir tru på seg sjølv etter kvart, og at ho i utgangspunktet ikkje hadde så høg sjølvtillit. Lærdommen hennar burde kunne gå heim hos nokon kvar. 

– Ein ting har eg lært, uansett kor dårleg du trur du er, så må du ikkje gi opp! 

 


Toril Christin Skram og Hanne Mjønes sminkar den heldige vinnaren, 8.-klassingen Anna Havn Nesbø. Foto: Kjetil Rydland. 

 

Før foredraget blei ei av jentene trekt ut til å få ein full make-over og oppsetjing av håret ved profesjonelle sminkarar. Loddet fall på Anna Havn Nesbø, som blei sminka og stelt etter alle kunstens reglar av Jenny Marie Dalen, Hanne Mjønes og Toril Christin Skram. I tillegg fekk ho seg ein ny kjole som premie.

Dei som ikkje var fullt så heldige, kunne kjøpa seg ein kjole til ein rimeleg penge. I går kveld gjekk både nye kjolar og fint brukte vintage-kjolar til berre 50 kroner, og mange nytta det sjeldne høvet. 

Elles var det stort lotteri, lykkehjul og "fiske" etter fine premiar. 

– Me er overvelda over støtta frå alle som gav premiar til lotteriet vårt, seier Maria Solheim Thorsen til Fitjarposten. Ho er òg takknemleg for mykje anna god hjelp frå frivillige. 

  


Vibeke Tranøy sel kjolar til 50 kr stykket. Foto: Kjetil Rydland. 

 


Ordførar Wenche Tislevoll var med og delte sine erfaringar med Gry Skarstein og jentene på Rimbareid. Foto: Kjetil Rydland.

 

 

Butikkar og tenester i sentrum "Klikk for å sjå alle"

.

Kåra den vakraste boka i verda

17.02.2018 Kjetil Rydland

Aud Gloppen, kjend bokdesignar frå Fitjar. Foto: FP-arkiv/KR.  Kåra den vakraste boka i verda Aud Gloppen frå Fitjar har vore med og kåra den vakraste boka i verda.  

Les meir ...

Årets lokalpolitikar!

17.02.2018 Kjetil Rydland

Harald Rydland, engasjert KrF-politikar. Foto: FP-arkiv / Harald Johan Sandvik.  Årets lokalpolitikar! På fylkesårsmøtet på Sotra i helga blei Harald Rydland utnemnd til årets lokalpolitikar i Hordaland Kristeleg Folkeparti.

Les meir ...

Handballdamene vann klart over botnlaget

17.02.2018 Kjetil Rydland

Ingvild Rimmereid med seks mål mot Lyngbø. Foto: Kjetil Rydland.  Handballdamene vann klart over botnlaget Fitjar IL sitt damelag vann ein klar siger 26-19 over Lyngbø, og har dermed fått ei ørlita...

Les meir ...
annonse

Quiz for historiebøkene!

17.02.2018 Kjetil Rydland

Jostein Siglen med fingeren på bildet av seg sjølv på gårsdagens bildequiz, laget hans var det einaste som ikkje kjende han igjen på bildet. Foto: Kjetil Rydland. Quiz for historiebøkene! Fredagskveldens quiz...

Les meir ...

Korpsmusikk og publikum fylte Kultursale…

15.02.2018 Kjetil Rydland

Fitjar skulekorps spela frå ABBA-programmet som dei skal framføra i april. Foto: Kjetil Rydland.  Korpsmusikk og publikum fylte Kultursalen Vakker korpsmusikk, kaffi og god kaffimat og ikkje minst veldig god stemning fekk dei...

Les meir ...

Kokk tek over leiaransvaret for Fitjarfe…

15.02.2018 Jonas Sætre

Kokk tek over leiaransvaret for Fitjarfestivalen Inger Elin Helland har hatt ansvaret for maten under Fitjarfestivalen i mange år. No er ho valt som ny festivalleiar.

Les meir ...
annonse

Fagtorg "Klikk for å sjå alle"


God handballdag

18.02.2018 Kjetil Rydland

 Frå gårsdagens jentekamp mot Bjarg 3. Foto: Privat.  God handballdag Det var ikkje berre dei vaksne damene som spela handball i går, Fitjar hadde fleire lag i aksjon i aldersfastsette klassar, både...

Les meir ...