Onsdag 18. Juli 2018



Den nye maskinen er på det nærmaste klar til å visa film i Fitjar kultur- og idrettsbygg. Foto: Kjetil Rydland. 

Fitjar kino klar for premiere!

Ole Bergesen ved Fitjar kultur- og idrettsbygg fortel at Fitjar kino vil opna søndag 28. januar, med framsyning av "Den 12. mann". 

 

Som kjent har Fitjar kommune investert i nytt kinoutstyr, og no er det meste kome på plass i Fitjar kultur- og idrettsbygg. Dermed kan dagleg leiar Ole Bergesen lova opning av nye Fitjar kino søndag 28. januar. Og filmen som skal visast blir den kjende Harald Zwart-filmen om Jan Baalsrud, "Den 12. mann". 

 

Nytt utstyr på plass


Den nye projektoren er alt kopla opp i Kultursalen, datalinja og straum like eins. Sjølve projektoren må berre kassast inn for å dempa lyden, men elles er han klar til bruk, seier Bergesen. 

 
Leverandøren kjem ned ein tur før premieren for å sjå til at alt fungerer. Fitjar kultur- og idrettsbygg har avtale med UCS – Unique Cinema Systems – om leveranse og support av framsyningsutstyret.


Filmane blir overførte via datalinjer, seier Bergesen; det er snakk om svært store datafiler, som det tar fleire timar å overføra. Han vil bestilla filmane hos distribusjonsselskapet Film & Kino. Dei sender filmane til utstyrsleverandøren, som lastar dei ned på FKIB sin projektor.
 

Full automatisering


På denne måten blir det lite arbeid for den vesle staben til Ole Bergesen ved Fitjar kultur- og idrettsbygg. – Det einaste me må gjera er å slå på lydanlegget og slå av lyset! seier Bergesen og smiler. 


– Eit stort framskritt blir det òg at me kan velja tidspunkt – både dato og klokkeslett – sjølve, understrekar styreleiar i FKIB, Agnar Aarskog. Det inneber at dei kan køyra ein film på premieredagen. 


Bygdekinoen har synt film på Fitjar dei siste 10-11 åra. Dei har hatt framsyning kvar 14. dag, og då kunne ein risikera at filmen var 14 dagar gamal. Ei anna ulempe er at Bygdekinoen har ferie både til jul og påske. Dermed kunne det bli ein månad mellom kvar filmframsyning. 


Etter det me forstår, er det nesten berre popcornautomaten som ikkje blir automatisert. Men Ole lovar ny og ombygd kiosk til kinopremieren om to veker. Folk vil kunna henta varene sjølve og ta dei med seg til kassen, der dei kjøper billettar. Her kan dei betala anten med kontantar eller kort. 



Håpar å auka besøkstalet

Ole Bergesen lovar ein litt annan vri på reklamen enn på mange andre kinoar. Han ønskjer ikkje å visa 10-15 minutt med nasjonal reklame før kvar film.
– I staden vil me ha ein kortare bolk med reklame med det lokale næringslivet på Stord og Fitjar, seier han. 

 
– Me håpar fitjarbuen vil støtta opp om kinoen. Vårt mål er å få opp besøkstalet frå rundt 1500 til ein stad mellom 2500 og 3000, seier ein optimistisk Ole Bergesen . 

 
Og søndag 28. januar blir det altså "grand premiere" med den kjende krigsfilmen "Den 12. mann". Då vi det bli servering, og ordførar Wenche Tislevoll har lova å stå den offisielle opninga. 

 


"Den 12. mann" blir den første filmen som blir vist ved nye Fitjar kino. 

Butikkar og tenester i sentrum "Klikk for å sjå alle"

.

Blekkspruten klatra over ripa!

17.07.2018 Kjetil Rydland

Blekkspruten har klatra opp den glatte veggen med sugeskålene sine, og er klar til å hoppa ut att i sjøen. Foto: Gunnar Siglen.  Blekkspruten klatra over ripa! Fiskar Gunnar Siglen fortel ei...

Les meir ...

Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...
annonse
annonse

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...
annonse

Fagtorg "Klikk for å sjå alle"


Stolt skipper på stolt skute!

18.07.2018 Kjetil Rydland

Asgeir Andersen ved Dåfjorden Slipp, i bakgrunnen «Gamle Nyborg», den finaste skuta i landet. Foto: Kjetil Rydland. Stolt skipper på stolt skute! Asgeir Andersen i Dåfjorden har kjøpt den finaste frakteskuta i...

Les meir ...
annonse