Onsdag 18. Juli 2018



Vinnar i dameklassen blei Anne Brakedal t.v. framfor Anne Helene Vestbøstad t.h. og Charlotte A., Levåg på tredjeplass. Foto: Kjetil Rydland. 

Ein annleis romjulscup på Fitjar

Fitjar IL gjentok suksessen frå i fjor og skipa til romjulscup i idrettshallen i går, og me fekk sjå mange jamne, gode kampar.

 
Grunnen til at kampane var jamne, var den spesielle måten laga blei sette opp denne gongen. Interesserte spelarar melde seg på enkeltvis, og så blei dei plasserte på dei ulike laga etter trekning. Her blei spelarane seeda, for å få jamne lag.

 

Påmeldinga svarte vel ikkje heilt til forventninga til arrangøren denne gongen heller. Men resultatet blei etter kvart ein del gode kampar med bra sportsleg nivå. Dei 24 påmeldte herrespelarane blei delte inn i fire relativt jamne lag, med namn frå Fitjarøyane: Svelto, Kråko, Fodno og Matløyso. 

 

I dameklassen var det berre 12 påmelde spelarar. Derfor blei det ikkje sett opp faste lag i denne klassen, men damene rullerte mellom ulike lag i dei fire kampane. Resultat i kvar kamp gav dei enkelte spelarane poeng, og til slutt blei det kåra ein vinnar som hadde sanka flest poeng i løpet av damekampane. 

 

Høgst fortent vinnar i dameklassen blei Anne Brakedal, framfor Anne Helene Vestbøstad. Kampen om tredjeplassen blei meir dramatisk, det måtte straffesparkkonkurranse mellom seks spelarar til. Først etter fem straffespark kunne Charlotte A. Levåg jubla over å å slege ut Martine Hareide og dei andre skarpskyttarane.  

 

I herreklassen drog dramatikken seg til i semifinalane. Kråko stilte med ein altfor offensiv og slepphendt keeper, og måtte sjå Fodno gå til finalen med ein klar 3-0-siger. I bronsefinalen fekk kråkespelarane ein viss revansje. Me fekk sjå ein nydeleg lobb av Åsmund Sørfonn, kontrollert i vinkelen over keeper Jonas Yang Tislevoll. Og ikkje minst årets mål i Fitjar, då Ingve André Strand dribla alle motspelarane sine fleire gonger før ballen gjekk til medspelar som scora. 

 

Herrefinalen blei ein jamn batalje mellom Fodno og Svelto. Fodno med Ruben Træet i mål kjempa lenge godt og fekk ei scoring ved Svein Arne Jordan Raunholm. Men Svelto blei etter kvart for sterke, og vann 3-1. Dagens mann blei Mats Brakedal, som scora alle tre måla for vinnarlaget. 


Som vanleg når Fitjar Idrettslag skipar til fotballcup, gjekk arrangementet knirkefritt. Alle kampane blei avvikla nesten heit etter oppsett klokkeslett, og i 21-tida i går kveld var dei verdige vinnarane kåra. Magne Blokhus kom over Morkjo for å dømma, og gjorde ein fin figur, saman med Roald Magne Nilsen. Arrangementskomiteen med Rune Brakedal, Åsmund Sørfonn, Emil Sørfonn og Geir Bjarte Hatlevik skal ha all ære av innsatsen. 

 


Vinnarlaget Svelto, f.v. Henrik R. Kjelling, Mats Brakedal, Jøran Aleksandersen, Mads D. Helland, Magnus Raunholm, Øyvind Rydland og Markus Gerhardsen. Foto: Kjetil Rydland

  


Dommarane Roald M. Nilsen og Magne Blokhus fekk sin velfortente premie for innsatsen. Foto: Kjetil Rydland. 

 


Ingve André Strand er norsk meister, men ikkje i fotball. Her melder han truleg frå om årets scoring i Fitjar. Foto: Kjetil Rydland. 

 


Jubel på sidelinja etter årets raid av Ingve André Strand. Foto: Kjetil Rydland.

 


Ikkje greitt å vera Åsmund Sørfonn når Daniel Skarpnes skyt. Foto: Kjetil Rydland. 

 


Henrik R. Kjelling har for lengst lurt keeper, og Mats Brakedal gjer seg klar til å setja inn returen. Foto: Kjetil Rydland. 

 


Emil Sørfonn og Geir Bjarte Hatlevik i arrangørstaben har full kontroll. Foto: Kjetil Rydland. 

 

 

Butikkar og tenester i sentrum "Klikk for å sjå alle"

.

Friluftsgudsteneste med dåp i Kråko

16.07.2018 Kjetil Rydland

Fríðleif Lydersen døyper vesle Jenny Myhre. Foto: Torbjørn Hovland. Friluftsgudsteneste med dåp i Kråko Godt over 150 soknebarn møtte opp til friluftsgudsteneste i godvêret på Port Steingard i Kråko i går.

Les meir ...

Vandring i elveleie

15.07.2018 Kjetil Rydland

Høvet til å vandra opp Eggjafossen kan me ikkje la gå frå oss.  Vandring i elveleie Den uvanleg fine sommaren med lite nedbør har opna bekkefar og elveleie for spanande opplevingar.

Les meir ...

Framande plantar invaderer Fitjar!

14.07.2018 Kjetil Rydland

Parkslirekne er ein av verstingane på svartelista, her ser me ein stor førekomst i Fitjar. Foto: Kjetil Rydland.  Framande plantar invaderer Fitjar! Heile 135 plantearter er svartelista i Noreg, og mange av...

Les meir ...
annonse
annonse

Geiter fanga på skjer!

14.07.2018 Kjetil Rydland

Desse fem geitene har nok eit kjedeleg ettermiddag i vente; her må dei nok stå til fjære sjø i ettermiddag. Foto: Fitjarposten-tipsar. Geiter fanga på skjer! På eit skjer ved Svelto i...

Les meir ...

Torstein med «Team Yaristan» til Mongoli…

13.07.2018 Kjetil Rydland

Torstein Søreide Skogedal og kameratane Ludvig Nielsen og Sven Hove ved avreisa frå Oslo i dag. Foto: Privat. Torstein med «Team Yaristan» til Mongolia! Saman med to kompisar sette Torstein Søreide Skogedal...

Les meir ...

Skittsak for Kulturhuset!

13.07.2018 Kjetil Rydland

Midt i foajeen til Fitjar kultur- og idrettsbygg hadde kyrne gjort ifrå seg i dag. Foto: Kjetil Rydland.  Skittsak for Kulturhuset! Fredag føremiddag kom kyr seg inn i Fitjar kultur- og idrettsbygg og...

Les meir ...
annonse

Fagtorg "Klikk for å sjå alle"


Vandring i elveleiet til Tveitaelvo

16.07.2018 Kjetil Rydland

Her starta elvevandringa, vel hundre meter nedanfor Botnavatnet. Foto: Magne Røed.  Vandring i elveleiet til Tveitaelvo Tveitaelvo er ei av dei mest vassrike elvane våre, og renn frå Botnavatnet forbi Dalshaugane og...

Les meir ...
annonse