Torsdag 19. April 2018



Formannskapet diskuterer budsjettet. Foto: Harald Johan Sandvik. 

Formannskapet hadde saka om budsjett 2018 og økonomiplan 2018 –2021 oppe i går

Skule: Formannskapet sitt fleirtal gjekk inn for halda fram med to andreklassar på Rimbareid, men berga ikkje sjuandeklassen i Øvrebygda, som etter framlegget vert overført til Rimbareid til hausten.

 

Katrin Innvær Ankervold, hovudtillitsvald for Utdanningsforbundet i Fitjar, sa til Fitjarposten etterpå at dei er svært skuffa over at formannskapet ikkje tok omsyn til sjuandeklassen i Øvrebygda. For skulen i Fitjar er det ei svært viktig sak at den klassen vert verande i Øvrebygda. 

I sist møte sende formannskapet saka over til utvala til handsaming. No har utvalet gitt tilbakemelding. Formannskapet gjorde sine vedtak i dag. Det vedtekne budsjettet vert lagt ut på høyring fram til onsdag 20. desember, då det vert gjort endeleg vedtak i kommunestyret.

Det er som kjent nedskjering på skule som har fått mest fokus etter at budsjettframlegget frå administrasjonen vart gjort kjent. Samanslåing av to andreklassar på Rimbareid og flytting av sjuandeklassen frå Øvrebygda til Rimbareid har gitt reaksjonar. Begge tiltaka var lagt inn frå august 2018.

I tillegg var det lagt inn ein reduksjon på Pleie og omsorg. Gjennom mange tiltak er løyvinga føreslege redusert med 2 mill. frå 2019 til 2020.

Utval for oppvekst og omsorg har hatt møte på saka. Dei vedtok i korte trekk: 

Samanslåing av andreklassane på Rimbareid og flytting av sjuandeklassen i Øvrebygda til Rimbareid bør ikkje gjennomførast i 2018. Kommunen sin skulebruksplan skal rullerast i 2018, og slike saker må koma i den prosessen. Dei presiserer også at ressursane i heimetenestene må prioriterast til dei områda der behovet er størst.

Tidleg i møtet i dag la Arne Prestbø, H, fram felles endringsframlegg frå H og Ap. Hovudtrekka var: 

Utgifter: – Ikkje auke i eigedomsskatt i perioden – ikkje slå saman andreklassar – pluss fleire utgiftspostar som er kome til etter at rådmannen kom med sitt framlegg. 

Inntekter: – redusert auke i sosialhjelp – banktenester på anbud (rentesats) – leiga ein ekstra sjukeheimsplass til Stord – redusera næringstilskot – pluss fleire postar der saker har endra seg etter at rådmannen kom med sitt framlegg. 

Dette reduserer resultatet for 2018 frå kr 1.435.842 i rådmannen sitt framlegg til kr 680.842.

Framlegget fekk 4 røyster, H, Ap og FrP. Dagfinn Brekke, KrF, røysta imot. KrF vil koma tilbake med framlegg i kommunestyret, der dei i tillegg til å bevara andreklassane på Rimbareid også vil unngå å flytta sjuandeklassen frå Øvrebygda. 

I langtidsperioden 2018–2021 må kommunen i sum gå i pluss. Dersom resultatet er negativt eitt år, må ein kunna dekka underskotet med overskot frå tidlegare år i perioden.

 

Butikkar og tenester i sentrum "Klikk for å sjå alle"

.

Bli med til Kvinnherad på bygdekvinnestr…

18.04.2018 Kjetil Rydland

Bjørg Strømme og bygdekvinnene har mange jern i elden. Foto: FP-arkiv/KR.  Bli med til Kvinnherad på bygdekvinnestreif  Bli med på bygdekvinnestreif i Omvikdalen 28. april, oppmodar Bjørg Strømme i ei pressemelding.

Les meir ...

Jenter med vinnarvilje!

17.04.2018 Kjetil Rydland

Lagkaptein Marion Træet og Siren Vik hadde god kontroll på midtbanen. Foto: Kjetil Rydland.  Jenter med vinnarvilje! I det sure regnet tysdag kveld var det Fitjar-jentene som viste både mest vilje og...

Les meir ...

Kjem du på Strandabasaren komande laurda…

17.04.2018 Kjetil Rydland

Fullt hus i Stranda bedehus på ein tidlegare Strandabasar. Foto: FP-arkiv/HCH.  Kjem du på Strandabasaren komande laurdag? Laurdag 21. april kl. 16.00 er det klart for ny basar i Stranda bedehus, og...

Les meir ...
annonse

Fitjar Idrettslag saknar fana si

17.04.2018 Kjetil Rydland

Slik ser den flotte fana til Fitjar Idrettslag ut, i alle høve såg ho slik ut då Fitjarposten tok dette biletet i mai 2012. Foto: FP-arkiv/KR.  Fitjar Idrettslag saknar fana si Dagleg...

Les meir ...

Øvrebygda-rektoren vil skifta skule

17.04.2018 Jonas

Øvrebygda-rektoren vil skifta skule Rektor ved Øvrebygda skule, Sigbjørn Aarland, er ein av fire søkjarar til stillinga som rektor ved Rimbareid skule.

Les meir ...

Hjartestartarar på ferjene til Fjord1

17.04.2018 Kjetil Rydland

F.v. HR-leiar i Fjord1, Cicilie Færestrand, maritim leiar Stig Hestetræet i Nordic Fire & Safety AS, og Monica Nyheim i verne- og miljøutvalet i Fjord1. Hjartestartarar på ferjene til Fjord1 Alle ferjene...

Les meir ...
annonse

Fagtorg "Klikk for å sjå alle"


Den nye rådmannen i Fitjar er på plass

18.04.2018 Harald Johan Sandvik

Den nye rådmannen i Fitjar er på plass Olaug Haugen er ny rådmann i Fitjar. Foto: Harald Johan Sandvik Påtroppande rådmann Olaug Haugen var med på sitt første politiske møte i Fitjar...

Les meir ...
annonse