Onsdag 23. Mai 2018



Oliver André Matre på toppen av sigerspallen i Åsane. Foto: Privat.

Oliver endeleg på pallen igjen!

Oliver André Matre fekk endeleg vist seg frå si beste side i VW-bobla då han gjekk heilt til topps i bilcross på Eikåsbanen i Bergen denne helga. I same stemnet blei Ailin Vik nummer tre i juniorklassen.

 

Før laurdagens avslutningsrunde i vestlandsmeisterskapen hadde Ailin Vik ei ørlita von om å køyra seg heilt opp på pallen samanlagt. I dei tre innleiande rundane på Eikåsbanen motorsenter fekk ho ein første-, ein andre- og ein tredjeplass. Det heldt til andresporet i A-finalen.



Det gjekk hardt ut over bilen til Ailin Vik under løpa i Bergen. Foto: Privat.  


I starten på A-finalen hoppa bilen ut av førstegir, og ho miste terreng som ho ikkje heilt klarte å ta att. Andreas Solli og Aleksander Stokke blei for sterke, og Ailin køyrde inn til tredjeplassen. Ei flott plassering, men det var ikkje godt nok til pallplass samanlagt, der ho måtte nøya seg med femteplassen. 

 

Likevel har Ailin hatt ein flott sesong, med deltaking i Landsfinalen som høgdepunktet. Dei to gutane som slo henne i avslutningsrunden, er begge eitt år eldre enn henne. Neste år er Ailin eldst og mest rutinert i juniorklassen, og sjansane for å gjera det endå betre er store.



Ailin Vik på sigerspallen etter løpet på Eikåsbanen i Åsane. Foto: Privat. 

 

For Oliver var løpet i Bergen ein stor opptur. Det er to år sidan han har gjort det så godt. Han gjekk gjennom innleiingsrundane med tre førsteplassar, og var like suveren i A-finalen. 

 

Dei siste sesongane har Oliver vore plaga av tekniske vanskar, som har øydelagt løpa hans. Men denne gongen fungerte både mannen og folkevognbobla hans perfekt på same dagen. Då er det ingen som stoppar Oliver!

 


Eit syn som har blitt altfor sjeldant, Oliver André køyrer inn til siger! Foto: Privat.

 

Neste helg er det løp i Vikedal, og målet er sjølvsagt ein ny A-finale, seier Oliver til Fitjarposten. 


Resultat frå laurdagens løp på Eikås motorsenter finn du på denne linken til NMK Bergen

 


Oliver med tommelen opp i Bergen. Foto: Privat. 

 

Butikkar og tenester i sentrum "Klikk for å sjå alle"

.

Litt fleire terner i år?

20.05.2018 Kjetil Rydland

Terna går inn for landing. Foto: Kjetil Rydland.  Litt fleire terner i år? I mai set makrellternene sitt preg på fuglelivet i Havn med sin karakteristiske vellyd, og det kan sjå ut som...

Les meir ...

På handballfestival i strålande pinstivê…

19.05.2018 Kjetil Rydland

Kjekt på Handballfestivalen; f.v. Elisabet, Elise, Runar Øvrebø (gymlærar for jentene), Tomine og Andrine.  På handballfestival i strålande pinstivêr Hanballfestivalen på Stord er i full gang i ideelt festivalvêr, og Fitjar er...

Les meir ...

Harald Rydland sin tale på 17. mai

18.05.2018 Kjetil Rydland

Harald Rydland held tale i Kultursalen 17. mai. Foto: Kjetil Rydland. Harald Rydland sin tale på 17. mai 2018 Talen som Harald Rydland heldt på 17. mai, var vel verdt å høyra...

Les meir ...
annonse

Pinseaftan: Butikkane stengjer klokka 16…

18.05.2018 Kjetil Rydland

Pinseaftan: Butikkane stengjer klokka 16! I morgon er det pinseaftan, og då stengjer daglegvarebutikkane klokka 16.00.

Les meir ...

Ho vil erstatte Terje Træet i sommarrevy…

18.05.2018 Jonas Sætre

Ho vil erstatte Terje Træet i sommarrevyen Anne Marith Sandhåland erstattar Terje Træet i årets sommarrevy. Terje Træet melder avbod til årets sommarrevy i Fitjar grunna helsemessige årsaker.

Les meir ...

Friluftsgudsteneste 2. pinsedag

18.05.2018 Kjetil Rydland

Frå friluftsgudstenesta 2. pinsedag i fjor. Foto: Torbjørn Hovland. Friluftsgudsteneste 2. pinsedag Det blir frluftsgudsteneste 2. pinsedag i år òg, får me opplyst i ei pressemelding frå Fitjar kyrkje.

Les meir ...
annonse

Fagtorg "Klikk for å sjå alle"


Glimt frå Handballfestivalen

20.05.2018 Kjetil Rydland

Tolvårslaget ståande bak med trenar Karen Elisabet R. Sæbø t.h. Framme ligg tre jenter frå elleveårslaget. Foto: Kjetil Rydland.  Glimt frå Handballfestivalen Fitjar har hatt seks lag i aktivitet under Handballfestivalen, og...

Les meir ...
annonse