Laurdag 18. November 2017

Maleriutstilling Bjørn Bjørlykke Galleri Losjen 18. november kl. 14


Dagens aller sprekaste var igjen Torstein Tengsareid frå Egersunds IK, som vann herreklassen i "Først til mølla". Foto: Kjetil Rydland.

Midtfjelletdagen ein suksess trass i dårleg vêr

Ruskavêret la ingen merkbar dempar på stemninga under Midtfjelletdagen, og hundrevis av turmarsjdeltakarar og andre tilskodarar kunne gle seg over imponerande sportslege prestasjonar. Torstein Tengsareid imponerte aller mest, med sin tredje siger i motbakkeløpet "Først til mølla".

 

Den lettbeinte motbakkespesialisten frå Egersunds IK vann ein klar siger i herreklassen, og med 19,37 var ikkje så langt bak sin eigen løyperekord. Men han var ikkje den einaste som imponerte i regnbyene på fjellet i dag. Mest imponerte kanskje Fitjar Idrettslag sine folk, hovudsakleg frå orientering og friidrett, som gjennomførte eit prikkfritt arrangement i langt frå prikkfritt vêr 400 meter over havet.

 


Ruskavêret la ingen dempar på stemninga ved B12 i dag. Foto: Kjetil Rydland. 

 

I herreklassen kom Stord-løparen Harald Kårbø på ein klar andreplass, 19 sekund  bak Tengsareid, medan fjorårsvinnar Tom Erling Kårbø på tredjeplassen, var eit stykke bak. 10 000-kronerssjekken i dameklassen gjekk til Stord-løparen Pernilla Epland. Med tida 23.34 var ho klart føre Anita Iversen Lilleskare, BFG Bergen Løpeklubb, og Eli Anne Dvergsdal frå Gular på dei neste plassane. 


Pernilla Epland spurtar inn til siger i dameklassen. Foto: Kjetil Rydland. 


Torstein Tengsareid i midten, flankert av Stord-løparane Harald Kårbø og Tom Erling Kårbø. Foto: Kjetil Rydland.


Stord-løparen Pernilla Epland med 10 000 kroner, flankert av Anita Iversen Lilleskare, BFG Bergen Løpeklubb, og Eli Anne Dvergsdal frå Gular. Foto: Kjetil Rydland.

 

Dei to beste lokale løparane blei ikkje uventa Bård Inge Bø i herreklassen og Nina Aarbø Olsen i dameklassen. Elles let me oss imponera storleg over fleire eldre løparar, og ikkje minst av dei fremadstormande ungommane frå Fitjar. Tori Torbjørnsen vann jenteklassen blant dei aller yngste på tida 43.49. Broren, Eirik Torbjørnsen, vann klassen M0-14 på tida 26.22. I denne klassen har Fitjar eit heilt beite sterke løparar som det skal bli kjekt å følgja vidare.  

 


Nina Aarbø Olsen og Bård Inge Bø blei ikkje uventa best av dei lokale løparane. Foto: Kjetil Rydland.  


Eirik Torbjørnsen spurtar inn til siger i klassen sin. Foto: Kjetil Rydland. 

 

Totalt var det 62 deltakarar med på "Først til mølla", 55 av desse sprang på tid.

På linken til kxweb.no finn du resultat i dei ulike klassane, og resultata for 2016. 

 


Tore Nymark frå Askøy OL legg ut på Møllesprinten frå Beinatjønnsvarden. Foto: Kjetil Rydland. 

 

Møllesprinten samla rundt 70 deltakarar frå Odda, Stord, Fitjar og fleire klubbar på Bergens-kanten. Den hadde òg målpassering nede ved Mølle B12, men starta på endå meir spekulært vis oppe ved Beinatjønnsvarden, høgaste toppen i området, på 501 moh.

Vinnar i den skarpaste klassen, H17, blei Tore Nymark frå Askøy OL, berre fire sekund føre Kenneth Westerheim frå Stord IL. Tora Aasheim Nymark vann den sterkaste dameklassen, ho spring for TIF Viking. Den beste Fitjar-løparen for tida, Jens Øien Kloster, vann klassen H15-16. Fitjar fekk ein klassevinnar til, det var i den yngst klassen, N-open. Her var Bror til Jens, Håkon Øien Kloster på sju år, best i eit beite på heile 17 løparar. 

 


Brørne Jens og Håkon Øien Kloster vann kvar sin klasse i Møllesprinten. Foto: Kjetil Rydland. 


Komplett resultatliste frå Møllesprinten fin du på denne linken til Eventor

 


Daniel Rolfsnes og Dennis H. Michelsen startar frå Beinatjønnsvarden. Foto: Kjetil Rydland. 

  

Medan det drog seg til føre målpassering for dei sprekaste atletane, samla det seg hundrevis av tilskodarar framfor Mølle B12 Agnar. 85 av desse deltok i turmarsjen som starta frå Fitjar Idrettspark klokka 11. Ved målpassering fekk kvar enkelt fekk utdelt medalje av Erik Mortensen, dagleg leiar i Midfjellet vindkraft. I ruskeveret i målområdet kunne unge og gamle tilskodarar gle seg over gratis pølser, kake, kaffi saft og is, alt spandert av Midtfjellet Vindkraft. Mr. Vind Miller og banksjef Arve Havnerås med lykkjehjulet var blant dei populære underhaldarane.

 


Dagleg leiar Erik Mortensen i Midtfjellet Vindkraft delte ut medalje til alle deltakarane i turmarsjen. Foto: Kjetil Rydland. 

 

Totalt var det over 200 aktive i Midtfjelletdagen i år, inkludert dei 85 som gjekk turmarsjen. Me gratulerer deltakarar og arrangørar med innsatsen.  

Butikkar og tenester i sentrum "Klikk for å sjå alle"

.

Dramatisk trekning til Vintercupen

16.11.2017 Kjetil Rydland

Som vanleg var det nevøs stemning under trekninga til Vintercupen. Foto: Kjetil Rydland.  Dramatisk trekning til Vintercupen Torsdag kveld samlast dei ivrigaste fotballspelarane i bygda til trekning av puljeoppsettet i Vintercupen, som går...

Les meir ...

Ein velsigna festkveld

16.11.2017 Håkon C

  Fullt hus i Fitjar Bedehus i går kveld. Foto: Håkon C. Hartvedt Ein velsigna festkveld Kveldens mimrekonsert over Fitjarkvartetten og Lars K. Vik sine songar i går kveld vart ein skikkeleg oppbyggjeleg...

Les meir ...

Budsjett 2018 og økonomiplan 2018-2021 f…

16.11.2017 Harald Johan Sandvik

Formannskapet samtalar om budsjettet. Etatsjefane følgjer med frå tilhøyrarplass. Foto Harald Johan Sandvik Budsjett 2018 og økonomiplan 2018-2021 for Fitjar kommune Formannskapet hadde heildagsmøte på budsjettet 31. oktober, og heldt fram med...

Les meir ...
annonse
annonse

A-lagsfotball i Fitjar i snart 50 år

16.11.2017 Kjetil Rydland

Trond Henriksen kan jubla over 642 kampar for Fitjar IL, slå den! Arkivfoto FP/KR A-lagsfotball i Fitjar i snart 50 år I år har Fitjar Idrettslag stilt A-lag i fotballserien for menn...

Les meir ...

Det tidlegare legekontoret i Rådhuset sk…

16.11.2017 Harald Johan Sandvik

Eit inngangsparti mange i Fitjar kjenner godt. Foto Harald Johan Sandvik Det tidlegare legekontoret i Rådhuset skal oppgraderast Kyrkjekontoret skal flytta dit.

Les meir ...

– På tide med ei utstilling no!

15.11.2017 Håkon C

  Bjørn Bjørlykke. Foto: Privat – På tide med ei utstilling no! Dette seier stordabuen Bjørn Bjørlykke, som voks opp på prestegarden i Fitjar.

Les meir ...
annonse

Fagtorg "Klikk for å sjå alle"


Olaug Haugen ny rådmann i Fitjar?

17.11.2017 Håkon C

Olaug Haugen. Foto: Vidar Karlsen, Tingvoll kommune Olaug Haugen ny rådmann i Fitjar Tilsetjingsutvalet for ny rådmann i Fitjar  tilrådde i dag samrøystes Olaug Haugen som ny rådmann i Fitjar, etter Atle...

Les meir ...
Romaniahjelpen
Boklansering: Firmaet som sette Koløyo på kartet - www.fitjarposten.no