Sundag 21. Januar 2018



Sindre Henriksen i aksjon under World Cup-stemnet i Stavanger i 2016. Foto: KJETIL RYDLAND.

Sindre Henriksen på pallen igjen

Under verdsmeisterskapet på skeiser på Hamar denne helga gjorde "vår mann" seg sterkt gjeldande igjen, med tredjeplass på 500 meter som det beste enkeltresultatet, og tiandeplass samanlagt.

 

Den unge mannen med røter i Fitjar blei med sin tredjeplass på 500 meter med 36,23 den einaste nordmannen i herreklassen som kom på sigerspallen. I tillegg kom Ida Njåtun på tredjeplass i dameklassen. Det blir ikkje delt ut medaljar for enkeltdistansar i allrund-VM, men ein tur opp på sigerspallen for å ta imot blomster blei det. Henriksen seier at han sjølvsagt sette pris på den ekstra merksemda som følgde med tredjeplassen.

VM-løpet er den beste 500-meteren han har gått, bortsett frå den personlege rekorden, som han sette i Inzell førre helg. Henriksen fortel at han var fornøgd med alle tre løpa sine på Hamar. Det er alt i alt dei beste løpa han har gått nokon gong, og ei ny stadfesting på at framgangen held fram. På 5000 meter var han for første gong under 6.30 i eit ordinært parløp på låglandsbane. 6.29,27 er berre fem sekund bak persen på 6.24,33, som Henriksen har frå høgfjellsbanen i Calgary.


Målet var naturlegvis å komma med på 10 000 meter. Men det heldt berre nesten for Henriksen denne gongen; berre åtte mann kjem med på den lengste distansen. Men 10.-plass samanlagt og nest beste nordmann, etter Sverre Lunde Pedersen, er sjølvsagt ein strålande debut i eit allround-VM for "vår mann". Han fortel elles at han ikkje var 100 prosent frisk under løpa i helga, så kanskje han kunne vore endå nærmare dei beste. 

Då me snakka med Henriksen i ettermiddag, var han på Gardermoen og venta på flyet til Stavanger. Der skal han gå verdscupfinalen i Sørmarka Arena komande helg. På grunn av ymse uhell på 1500 meter er han ikkje kvalifisert på den distansen. Men på lagtempo stiller han skarpskodd på startstreken saman med dei to lagkameratane sine; dei kjempar om samanlagtsigeren i årets verdscup. 

På litt lengre sikt er målet for 24 år gamle Henriksen å hevda seg under OL i Sør-Korea til neste år. I lagtempo har han ein heilt realistisk sjanse til å kjempa om gullmedalje. Han vonar òg å hevda seg godt på 1500 meter. Det er denne distansen han har vore best på, og han vedgår at han har ein liten draum om å slå Shani Davis sin fantastiske verdsrekord på 1.41,04. I tillegg har han lyst å hevda seg i allround, og 5000-meteren på Hamar viste at han ikkje manglar så mange sekund på å kjempa med dei beste. På dei to kortaste distansane er han allereie i toppen. 

For å nå måla sine må han bli betre trent, seier han, og trur han har mykje å gå på enno. Det er ikkje så lenge sidan han begynte å nærma seg dei aller beste; det var først i fjor han fekk framgang så det monna. Han var ikkje barnestjerne som Sverre Lunde Pedersen, og er meir enn slitar som har måtta jobba lenge for resultata. Med tanke på at han ikkje har fylt 25 år enno, bør det framleis vera råd å oppnå framgang.

Sindre Henriksen fortel at hadde allsidige interesser i ungdommen, og nemner fotball, friidrett og buekorps. Han har spesialisert seg på skeiser litt seinare enn fleire av kollegaene sine på skeiseisen. Han trur at resultata har komme av at han har funne sin eigen veg, etter å ha henta impulsar hos andre.

– Eg har funne ein modell som passar meg, seier han, og legg til at den viktigaste drivkrafta er glede. 

 

Butikkar og tenester i sentrum "Klikk for å sjå alle"

.

MOT med jenteløft på Rimbareid

19.01.2018 Kjetil Rydland

Victoria M. Maraas, Natalie Steien og Romante Zemgulyte minglar på gårsdagens jenteløft. Foto: Kjetil Rydland.  MOT med jenteløft på Rimbareid Torsdag kveld fylte ungdomsskulejenter amfiet på Rimbareid skule då MOT inviterte til...

Les meir ...

Handballdamene sjanselause mot Stord

18.01.2018 Kjetil Rydland

Anita Haugland lukkast ikkje heilt mot Anna Thorland og Stord. Foto: Kjetil Rydland. Handballdamene sjanselause mot Stord Fitjar sine beste damer på handballbanen fekk bakoversveis og tapte prestisjeoppgjeret mot Stord med heile...

Les meir ...

Fundamenta til dei nye vindmøllene er kl…

17.01.2018 Kjetil Rydland

Hans Erik Larsson frå firmaet Spennteknikk spenner strekkstaga til mølle 56. Foto: Kjetil Rydland. Fundamenta til dei nye vindmøllene er klare Når dei elleve nye vindmøllene kjem i april, skal dei ikkje...

Les meir ...
annonse
annonse

Utstillingsopning i Galleri Losjen, UNIV…

17.01.2018 Fitjar kommune

Utstillingsopning i Galleri Losjen, UNIVERSAL BEINGS

Les meir ...

Bankbygget mot ei ny blomstringstid

17.01.2018 Kjetil Rydland

Bygget som Sparebanken Vest flytta ut frå i 2016 ligg fint til midt i Fitjar sentrum. Foto: FP-arkiv/HCH.  Bankbygget mot ei ny blomstringstid Bankbygget i sentrum, som Sparebanken Vest flytta frå i...

Les meir ...

Kje til Fitjar for å gjera seg feite

15.01.2018 Kjetil Rydland

Kje er initiativrike dyr, som straks gjekk i gang med å gjera seg kjende i den nye heimen sin. Foto: Kjetil Rydland. Kje til Fitjar for å gjera seg feite  For nokre dagar sidan...

Les meir ...
annonse

Fagtorg "Klikk for å sjå alle"


Debuterte med utstilling i Galleri Losje…

20.01.2018 Kjetil Rydland

Brenda Mata debuterte med utstilling i Galleri Losjen i dag, her saman med musikaren Juan Carlos Moromenacho Marquez frå Equador. Foto: Kjetil Rydland. Debuterte med utstilling i Galleri Losjen Brenda Mata debuterte...

Les meir ...