Sundag 22. Oktober 2017



Sindre Henriksen i aksjon under World Cup-stemnet i Stavanger i 2016. Foto: KJETIL RYDLAND.

VM-bronse nesten til Fitjar!

Under verdsmeisterskapet i lagtempo på skeiser i Sør-Korea denne helga gleid det norske laget inn til ein fin tredjeplass,  bak favorittane frå Nederland, og outsiderane frå New Zealand. Med på laget var ein ung mann med sterke røter i Fitjar. 


Det norske laget, som kom i mål knapt eit sekund bak Nederland, bestod av Simen Spieler Nilsen, Sverre Lunde Pedersen og Sindre Henriksen. Sistnemnde er mannen som bør få oss fitjarbuar til å jubla litt ekstra. 


Sterke røter i Fitjar

Sindre Henriksen er for "halvt fitjarbu" å rekna, sjølv om han er fødd og oppvaksen i Bergen. Dei siste åra har Sindre hatt det for travelt, men i oppveksten nytta han somrane til fiske og båtliv i Fitjar. Familien har hytte i Fitjarøyane. Far hans er velkjende Jarle Henriksen, som utmerkte seg som ein god fotballspelar på Fitjar sitt A-lag i 4. og 5. divisjon. Då Jarle kom til Bergen, satsa han for alvor på friidrett, og på 800 meter var han ikkje mange sekund bak dei beste i Noreg. 1,52 var ei imponerande tid den gongen. 


Idrettsfamilie

Men skeiseløpar blei Jarle aldri, sjølv om han til liks med Fitjar-ungdommar flest var fanatisk oppteken av Fred Anton Maier og dei andre norske skeisestjernene på 1960-talet. Skeiseløparen i Henriksen-familien var storebror Knut, som hevda seg ganske bra blant dei beste i Sunnhordland. Han hadde klubbrekorden på 1500 meter i Fitjar Idrettslag i mange år, med tida 2.37,4, altså nesten eit minutt bak nevøen frå Bergen. Elles var familien blant dei mest idrettsinteresserte i Fitjar, og far Harald Henriksen var ei kjend eldsjel og styremedlem i Fitjar Idrettslag.

Den nye skeisestjerna frå Bergen har såleis mykje idrett i bakgrunnen sin, endå han naturlegvis må ha hovudæra for den fine framgangen sjølv. 


Knut Henriksen eit stykke bak Arnulf Agasøster på Storavatnet vinteren 1966. Foto: KJETIL RYDLAND.

Mange års trening bak framgangen

Då me snakka med Jarle Henriksen måndag kveld, var Sindre om bord i flyet på veg frå Sør-Korea til Europa. I morgon kveld kjem han heim til Bergen med den aller første VM-medaljen sin. 

Jarle fortel at Sindre begynte å gå på skeiser då han var rundt fem år. Dei køyrde frå Bergen til kunstisbanen på Slåtthaug, der det blei arrangert World Cup og andre store stemne på 1990-talet. Dei første skeisene hans hadde tre meiar, fortel faren. I byrjinga var Sindre med i Bergen Skøyteklubb, men etter kvar kom han med i det sterke treningsmiljøet til Fana IL. 

Sindre er fødd i 1992, same året som den norske einaren, Sverre Lunde Pedersen, og har trent saman med han og Håvard Holmefjord Lorentsen, ein annan 1992-modell, sidan han var åtte-ti år. Medan Pedersen tidleg begynte å få teknikken til å stemma, var det ikkje like enkelt for vår mann. I motsetning til den mest kjende treningskameraten sin var Sindre ofte på feil halvdel av resultatlistene. 

Framgangen kom ikkje automatisk, og han var innom både roing og fotball før han bestemte seg for å satsa på skeiser for alvor. Då var han 18-19 år. Og det var ikkje før hausten 2015 han begynte å pusta dei aller beste i nakken.

No er Sindre Henriksen skeiseløpar på heiltid. Han får noko støtte frå Olympiatoppen og frå Norges Skøyteforbund. I tillegg er Fana Idrettslag flink å stilla opp for skeiseløparane sine, seier Jarle.

Sjølv støttar han sonen sin på beste måte, og det gjer han med stor glede.

– Det er kjempeartig! seier han. 

 

Endå ein Henriksen på gang?

Medan Sindre Henriksen har teke lange skritt mot toppen dei siste to sesongane, lurer endå ein Henriksen i bakgrunnen. Jarle fortel at Sindre har ein bror på tolv år, og unge Sigurd er ein like dedikert skeiseløpar. Kanskje vil målmedviten trening bringa ein ny Henriksen opp i verdstoppen?

 

Butikkar og tenester i sentrum "Klikk for å sjå alle"

.

Temakveld om misjonærane Arne og Dorthea…

21.10.2017 Håkon C

Fred Ola Bjørnstad og Johanne Øvstebø Tvedten får du både sjå og høyra i Fitjar kyrkje på torsdag. I tillegg  vert det orgelmusikk av organist Ole Jørgen Furdal.  
Temakveld om misjonærane...

Les meir ...

Få med deg meteorsvermen i helga!

20.10.2017 Kjetil Rydland

Orionide-meteor fotografert i 2008. Foto: Brocken Inaglory / Wikipedia Få med deg meteorsvermen i helga! Komande helg er beste tidspunktet for å sjå meteorsvermen Orionidane i 2017. Meteorane fra denne svermen er...

Les meir ...

Kveldaseta gav viktig bidrag til UNICEF

19.10.2017 Kjetil Rydland

Julian Helland og Felix Joelsson heldt ein flott appell ved opninga av kveldaseta. Foto: Kjetil Rydland. Kveldaseta med viktig bidrag til UNICEF Ovbygdarane slutta godt opp om kveldaseta i kveld, og var såleis...

Les meir ...
annonse
annonse

Dagens fugl: Steinskvett

19.10.2017 Kjetil Rydland

På ein stein i Småliane sat denne steinskvetten i går. Foto: Kjetil Rydland. Dagens fugl: Steinskvett På tur oppover Småliane i går var det einaste turfølgjet ein 25 grams trekkfugl som heiter...

Les meir ...

Friidrettsavslutning

18.10.2017 Kjetil Rydland

Friidrettsungdommane våre med premiar etter sesongavslutninga i går.  Friidrettsavslutning I går hadde rundt 50 friidrettsutøvarar si første innandørsavslutning i haust, og den eldste halvparten markerte avslutninga på utandørssesongen. 

Les meir ...

Mange nesten-ulykker grunna manglande re…

18.10.2017 Håkon C

– Ikkje gløym å ta ta på deg refleks når du går ut i vintermørket, oppmodar Trygg Trafikk.  Foto: Morten Brakestad Mange nesten-ulykker grunna manglande refleksbruk Dette er ein årleg gjengangar, men...

Les meir ...
annonse

Fagtorg "Klikk for å sjå alle"


Berga plassen i 5. divisjon!

21.10.2017 Kjetil Rydland

 Så kjekt er det å berga plassen i divisjonen, synest reservekeeper og hjelpetrenar Trond Henriksen. Foto: Kjetil Rydland.  Berga plassen i 5. divisjon! A-laget til Fitjar sikra seg ny kontrakt i 5...

Les meir ...