Sundag 21. Januar 2018



Marius Pedersen (546) på pallen etter 60 meter. Foto: Bård Inge Bø. 

Pingvinleikane gav god medaljefangst

Eit dusin fitjarungdommar deltok i helga på Pingvinleikane i Leikvang innandørshall i Åsane, og markerte seg som vanleg positivt. 

 

Pingvinleikane er det største innandørsstemnet i friidrett på Vestlandet, og held eit høgt nivå. Tolv spreke fitjarungdomar tok turen til Leikvang i helga; blant desse var Tone Sandtorv Brakedal, som no konkurrerer for Stord IL. 


Prestasjonsmessig stod truleg tiåringen Marius Pedersen for det kvassaste, då han suste inn til tida 9,72 og ein fin 2.-plass på 60 meter, i konkurranse med godt over 20 raske 10-åringar frå heile Vestlandet. Tida hans er like bak klubbrekorden til Terje Vik (noverande trenar), sett ein gong i førre tusenåret på 9,60. Bjart Sandvik Bø forbetra persen sin med eit halvt sekund i denne øvinga, til 11,02 sekund. 

Plasseringsmessig var det Anna Sandvik Bø (13) som utmerkte seg aller mest med sin siger på 60 meter hekk på tida 11,02. Ho var rett nok eit stykke bak persen både i dette løpet, på 600 meter (4.-plass med 1.56,68) og i høgde (med 1,25). På 200 meter stemte det betre igjen, med 6.-plass på ny personleg rekord på 31.14.

Natalie Tislevoll viste igjen at ho høyrer med heilt i toppen på 60 meter i den svært tøffe 14-årsklassen. 8,76 lyder den flotte nye persen på, ei tid som denne gongen heldt til 6.-plass. Den andre 14-åringen vår, Clara Wohlrab, byrjar å få sving på sakene i høgde, og reiv hårfint på pershøgda 1,35. Ho vart difor ståande med 1,30. På 200 meter blei det personleg rekord med 31,72.


Marius Torbjørnsen (14) hoppa 3,93 i lengde (9.-plass) og 1,35 i høgde (7.-plass). I tillegg sprang han 200 meter på 30,82 (pers) og 600m på 1.56.63. Han var lengst, høgast og raskast av alle Fitjar-utøvarane denne gongen også, fem hundredelar føre Anna på 600 meter.


Broren Eirik (12) fekk tidene 32,37 på 200 meter og 9.54 på 60 meter. 3,59 i lengde er berre 4 cm bak persen hans.


Marius Kongestøl Vik (11) var kastalibiet til Fitjar-kontingenten denne gongen, og støytte tokiloskula 5,89 meter avgarde. 10,33 på 60 meter er pers, ei forbetring på over 4 tidelar.


Bjart Sandvik Bø på veg inn til 2.18.07 på 600 meter. Foto: Bård Inge Bø. 


Johannes Sandvik Bø (11) sprang inn til 32,65 på 200 meter (pers med 2,5 sek), 12,10 på 60 meter hekk, 9,72 på 60 meter og hoppa 3,41 i lengde.

 

Tori Torbjørnsen (8) og Mikael Kongestøl Vik (9) var dei einaste rekruttane som tok den lange vegen til Leikvang denne gongen. Tori som hoppa 2,19 i lengde og sprang inn til tida 12,26 på 60 meter, og Mikael som presterte 12,53 og 2,39 i same øvingane, viste spenst og fart, og at dei abolutt bør ta turen fleire gonger!

 

 
Tone Sandtorv på pallen etter 60 meter. Foto: Bård Inge Bø. 

Tone Sandtorv Brakedal (18) persa til 1,55 m i høgde, tangerte 7,95-persen frå siste stemne på 60 meter og strekte seg til 5,24 i lengde. På 60 meter hekk Tone 9,06, som er meisterskapsrekord og forbetring av personleg rekord med over ein tidel. Kuleresultatet ville ho ikkje ha på trykk denne gongen. Neste helg reiser ho og trenar Bård Inge Bø på mangekamp NM i Sandnes, der dei begge skal delta.

 

 

Butikkar og tenester i sentrum "Klikk for å sjå alle"

.

MOT med jenteløft på Rimbareid

19.01.2018 Kjetil Rydland

Victoria M. Maraas, Natalie Steien og Romante Zemgulyte minglar på gårsdagens jenteløft. Foto: Kjetil Rydland.  MOT med jenteløft på Rimbareid Torsdag kveld fylte ungdomsskulejenter amfiet på Rimbareid skule då MOT inviterte til...

Les meir ...

Handballdamene sjanselause mot Stord

18.01.2018 Kjetil Rydland

Anita Haugland lukkast ikkje heilt mot Anna Thorland og Stord. Foto: Kjetil Rydland. Handballdamene sjanselause mot Stord Fitjar sine beste damer på handballbanen fekk bakoversveis og tapte prestisjeoppgjeret mot Stord med heile...

Les meir ...

Fundamenta til dei nye vindmøllene er kl…

17.01.2018 Kjetil Rydland

Hans Erik Larsson frå firmaet Spennteknikk spenner strekkstaga til mølle 56. Foto: Kjetil Rydland. Fundamenta til dei nye vindmøllene er klare Når dei elleve nye vindmøllene kjem i april, skal dei ikkje...

Les meir ...
annonse
annonse

Utstillingsopning i Galleri Losjen, UNIV…

17.01.2018 Fitjar kommune

Utstillingsopning i Galleri Losjen, UNIVERSAL BEINGS

Les meir ...

Bankbygget mot ei ny blomstringstid

17.01.2018 Kjetil Rydland

Bygget som Sparebanken Vest flytta ut frå i 2016 ligg fint til midt i Fitjar sentrum. Foto: FP-arkiv/HCH.  Bankbygget mot ei ny blomstringstid Bankbygget i sentrum, som Sparebanken Vest flytta frå i...

Les meir ...

Kje til Fitjar for å gjera seg feite

15.01.2018 Kjetil Rydland

Kje er initiativrike dyr, som straks gjekk i gang med å gjera seg kjende i den nye heimen sin. Foto: Kjetil Rydland. Kje til Fitjar for å gjera seg feite  For nokre dagar sidan...

Les meir ...
annonse

Fagtorg "Klikk for å sjå alle"


Debuterte med utstilling i Galleri Losje…

20.01.2018 Kjetil Rydland

Brenda Mata debuterte med utstilling i Galleri Losjen i dag, her saman med musikaren Juan Carlos Moromenacho Marquez frå Equador. Foto: Kjetil Rydland. Debuterte med utstilling i Galleri Losjen Brenda Mata debuterte...

Les meir ...